1 TIMOTIUS 2:10 - KITTA' MATANGKASA'

¹⁰ Mingka paralluko tubai'-bainea ammodei kalennu siagang panggaukang-panggaukang baji', situru' siratannaya mae ri tubaine anynyombaya ri Allata'ala.

1 TIMOTIUS 2:10 ပူးပေါင်းရင်းမြစ်များ

PANGNGEBARANG 31:25

Nikangalikangi siagang nipakalompoi; siagang tena naranggasela ri passala' allo lanadallekanga.

PANGNGEBARANG 31:31

Balasaki sikontu kabajikanna; iami baine siratanga nipakalompo ri kere-keremae!

LAMPA-LAMPANA 9:36

Anjoreng ri Yope, nia' sitau baine, niarenga Tabita. Ia tau tappa' ri Isa. (Lalang bicara Yunani arenna nikana, Dorkas, battuanna jonga.) Tuli nagaukangi apa-apa bajika, nanatulung tu kasi-asia.

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

1 TIMOTIUS 2:11

Musti appilajaraki tubainea a'mereki siagang mappilangngeri.

1 TIMOTIUS 2:9

Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

TITUS 3:8

Sanna' kontutojenna anne bicaraya. Kukellaiko ampakasingara' tojeng-tojengi yangasenna anne, sollanna akkulle usaha tojeng-tojeng sikamma tau tappaka mae ri Allata'ala, untu' anggaukangi jama-jamang bajika siagang a'matu-matua untu' yangasenna taua.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

PAPPICINI' 2:19

Kuasseng ngasengi sikamma apa nugaukanga; Kuassengi angkanaya mangngamaseangko ri parannu tau, angkanaya tamamminrayako, angkanaya anjamako, siagang sa'barakko angkasiaki pa'risika. Kuassengi angkanaya la'bi jai nujama ri kamma-kammaya anne naia nujamaya riolo.