1 TIMOTIUS 1:19 - KITTA' MATANGKASA'

¹⁹ Appattujuang mako na nuanna'gala' majarre' ri katappakkang tojenga siagang ati mailalang. Nia' tau tanajampangiai sa'ra ati mailalanna, sa'genna ancuru'mo tappa'na ke'nanga.

1 TIMOTIUS 1:19 ပူးပေါင်းရင်းမြစ်များ

MATIUS 6:27

Maka inaika akkulle antambai umuru'na manna sike'de' lanri ranggaselana?

1 KORINTUS 11:19

Mingka lania' memang todong passisa'la'-sa'lakkang ri tangnga-tangnganu, sollanna kabateang sallang angkanaya kereanga tu Karisteng tojeng-tojeng.

GALATIA 5:4

Punna erokko assibajiki ammotere' siagang Allata'ala tete ri hukkung-hukkung agamaya, battuanna a'jari tappu'mi passisambungannu siagang Almasi. Jari pantarang pangngamaseanNa mako Allata'ala attallasa'.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 TIMOTIUS 3:9

Musti anna'gala' jarreki mae ri pangngajarang katappakkang Karistenga, ia le'bakamo Napa'nyata Allata'ala. Musti nagaukangi ke'nanga anjo jama-jamanga siagang situlusu' ati mailalanna.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

1 TIMOTIUS 6:21

Nasaba' nia' siapa are tau ampangngajarrangi anjo kammaya, sa'genna allesso'mo ke'nanga battu ri sikamma pangngajarang Karisteng le'baka napatappa' ke'nanga riolo. Poro Nabarakkaki ngasengko Batara. Sallangku, Paulus

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

2 TIMOTIUS 2:18

A'lesso'mi ke'nanga battu ri pangngajarang tojenga, siagang napa'lingu-lingumi katappakkanna sipa'gang taua. Napangngajarrammi ke'nanga angkanaya kamma-kamma anne kajariammi anjo katallassanta ammotere' battu ri kamateanga.

2 TIMOTIUS 4:4

Lanatongko'mi tolinna ke'nanga mae ri apa-apa tojenga, mingka lanasungkemi tolinna ke'nanga mae ri carita-carita kosonga.

TITUS 1:9

Musti anna'gala' jarreki mae ri pappasanNa Allata'ala, iamintu biritta akkullea nipatappa' sangkamma le'baka nipangngajarrang mae ri ia. Lanri kammana, akkullemi ampakaingaki taua situru' pangngajarang tojenga, siagang napicinikiang kasalanna tau taeroka mappilangngeri.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.

PAPPICINI' 3:8

Kuassengi apa nugaukanga ngaseng. Kuassengi angkanaya tena nasiapa kagassingannu; nuturukimi pangngajarangKu siagang tamamminrayako mae ri Nakke. Kusungkeang mako se're pakke'bu' untu' ikau ngaseng, tenaya nakkulle natongko' manna pole inai.