1 TIMOTIUS 1:18 - KITTA' MATANGKASA'

¹⁸ Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

1 TIMOTIUS 1:18 ပူးပေါင်းရင်းမြစ်များ

LAMPA-LAMPANA 16:1

Napatulusu'mi lampana Paulus mange ri Derbe, nampa mange ri Listra. Anjoreng nia'mo se're tu tappa' ri Isa niareng Timotius. Amma'na tu Yahudi, tappakamo ri Isa; mingka manggena tu Yunani.

1 KORINTUS 4:17

Iami anjo nakusuromo Timotius battu mae ri kau ngaseng. Salaku tumminawang ri Almasi, sangkammai ana' kalengku, kukamaseanga. Iami ana' akkullea nipatappa'. Iami lampakaingakko ri passala'na katallassang kupinawanga ri wattungku a'jari tappa'mo mae ri Almasi; iamintu katallassang le'baka kupangngajarrang mae ri sikontu jamaah niaka ri kere-keremae.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

FILIPI 2:22

Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 TIMOTIUS 4:14

Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

1 TIMOTIUS 6:20

Timotius! Katutui bajiki anjo apa nipappirannuanga ri kau! Pakabellai kalennu battu ri pa'bicarang tenaya matu-matunna siagang passigea'-geakkang ri apa-apa nikanaya “Pangngissengang”, nampa teaiji pangngissengang.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

FILEMON 1:10

Inakke, Paulus, nia' pappalakku mae ri kau; iamintu passala'na Onesimus, anakku lanri Almasi. Nasaba' a'jari bapa' rohaninama' lalang ri anne tarungkua.