1 TESALONIKA 5:9 - KITTA' MATANGKASA'

⁹ Napileki' Allata'ala teai sollanta Natuju pangngalarroiNa, passangalinna sollanna akkulle nigappa kasalamakkanga tete ri Batarata Isa Almasi.

1 TESALONIKA 5:9 ပူးပေါင်းရင်းမြစ်များ

AYUB 23:14

LaNapajappai rancanaNa mae ri nakke, na jai iji rancanaNa pantaranganna anjo.

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

LAMPA-LAMPANA 1:20

“Nasaba' nia' tattulisi' lalang ri Kitta' Pammuji-mujia angkana, ‘Lappassammi ammantang a'jari sino pammantanganna; teako niakki manna sitau ammantang lalang.’ Nia' pole tattulisi' angkanaya, ‘Lappassammi naalle tau maraeng empoanna.’

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

ROMA 11:7

Jari antekamma? Tanagappayai bansa Israelka anjo apa naboyaya ke'nanga. Anggappayai, iamintu sipa'rappungang ca'diji tau, ia le'baka Napile Allata'ala. Ia maraenganga, a'jari kapala batu ngasengi mae ri pakkio'Na Allata'ala.

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

1 TESALONIKA 3:3

Sollanna tenanniakka manna sitau battu ri kau ammono'boko passabakkang sikamma anne kasessanta ngaseng. Kalennumi angngassengi, angkanaya anjo sikamma passessaya antama' memang tongi lalang ri ero' rancanaNa Allata'ala untu' ikatte.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

1 TIMOTIUS 1:16

Mingka lanri kammanami anjo naNakamaseanga' Allata'ala, sollanna akkulle Napappicinikang sikontu kasa'barranNa Isa Almasi mae ri nakke, tau kaminang dorakaya anne. Siagang a'jarimi anne conto mae ri sikontu tau latappaka sallang ri Ia nanagappa katallassang sitojennaya siagang mannannunganga.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

1 PETRUS 2:10

Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.