1 TESALONIKA 5:27 - KITTA' MATANGKASA'

²⁷ Tete ri koasaNa Batara, kupala' tojeng-tojengi ri kau ngaseng sollanna nubaca anne suraka ri dallekanna sikontu sari'battang julu tappatta.

1 TESALONIKA 5:27 ပူးပေါင်းရင်းမြစ်များ

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

2 PATTOTTORANG 18:15

Appialimi Ahab angkana, “Punna lanri arenNa Batara nu'bicara mae ri nakke, paumi kontutojenga. Pissiapako musti kupakainga' ri anjo passala' kammaya?”

YEREMIA 51:61

Nampa kukana ri Seraya, “Punna battuko sallang mange ri Babel, usahakangi sollanna sikontu apa niaka tattulisi' lalang ri anne kittaka akkullei nibacakang mae ri tau niaka anjoreng.

PAMMILANGNGANG 27:23

Nampa napadongko' limanna irate ri tompo' ulunna Yosua siagang napa'la'bammi napabattu angkanaya Yosua ansambeangi, situru' kananNa Batara mae ri ia.

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,

LAMPA-LAMPANA 19:13

Anjo wattua nia' siapa are sanro-sanro tu Yahudi masarroa a'lampa kere-keremae ambongkai roh ja'dalaka battu lalang ri kalenna tau nasosoka roh ja'dala'. Nacoba-coba tongi anjo sanro-sanroa ampakei arenNa Isa untu' ambongkai anjo roh-roh ja'dalaka. Angkanami ke'nanga ri anjo roh-roh ja'dalaka, “Lalang arenNa Isa, anjo napabattua Paulus, kamma-kamma anne kusuroko assulu'!”

KOLOSE 4:16

Punna le'ba' nibaca anne suraka mae ri kau ngaseng, usahakang tongi sollanna nibacakang todong mae ri jama'ah niaka ri Laodikia. Kammayatompa, musti nubaca tongi sura' lanikiringa battu ri Laodikia mae ri kau.

1 TESALONIKA 2:11

Nuassemmi angkanaya kipare' mako sanrapang ana'-ana' kalenna ikambe.

2 TESALONIKA 3:14

Nakulle kapang nia' tau taeroka anturuki anne apa napabattua ikambe lalang ri anne suraka. Tutuko ri anjo tau kammaya; teako eroki assierang-erang siagang anjo tau kammaya sollanna a'jari siri'-siri',

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

1 TIMOTIUS 5:21

Ri dallekanNa Allata'ala, Isa Almasi, siagang malaeka'-malaeka' nipileNa, kupala' tojeng-tojengi ri kau sollanna nuturuki anne pappakaingaka; teako ranggaselai manna ri nai, siagang teako assialle-alleangangi.

1 TIMOTIUS 5:7

Pabattui anne sikamma pappakaingaka mae ri ke'nanga, sollanna natangkasi katallassanna ke'nanga, natena callanna.

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

2 TIMOTIUS 4:1

Labattu poleangi Isa Almasi antama' ri anne linoa untu' angngadeli sikontu tau attallasaka siagang tau matea; siagang labattui untu' ammarenta, a'jari Batara. Iami anjo saba'na nakupala' tojeng-tojeng mae ri kau, ri dallekanNa Allata'ala siagang Isa Almasi:

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.