1 TESALONIKA 5:24 - KITTA' MATANGKASA'

²⁴ Allata'ala, Ia le'baka angkio' ngasengko, langgaukangi anjo sikammaya mae ri kau, lanri tena lanreNa mae ri kau ngaseng.

1 TESALONIKA 5:24 ပူးပေါင်းရင်းမြစ်များ

2 KARAENG-KARAENG 19:31

Lania' tau salama' ri Yerusalem siagang irate ri Bulu' Sion, lanri le'ba'namo Napattantu Batara angkanaya lakajariangi anjo kammaya.

PAMMUJI 100:5

Saba' bajiki Batara; sa'genna satunggu-tungguna pangngamaseanNa, nyawa tamamminraNa sa'genna sikontu turungang.

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

PAMMUJI 146:6

Iami ampa'jari langika siagang linoa, tamparanga siagang sikontu bonena; Ia tamamminraya satunggu-tungguna.

PAMMUJI 36:5

Ri katinroanNa narancana kaja'dallanga; tena baji' apa nagaukanga, ja'dalaka tanatollakai.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 89:2

PangngarimangnginTa, o, Batara, latuli kukelongang, tamamminraTa lakukabarrang mae ri sikontu turungang.

PAMMUJI 92:2

Tamaka baji'na appala' sukkuruka mae ri Katte, o, Batara, siagang mammuji ri Katte, Allata'ala Kaminang Tinggia;

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 37:32

Ri Yerusalem siagang irate ri Bulu' Sion lania' tau salama', lanri le'ba'na Napattantu Batara Kaminang Makoasaya angkana lakammai anjo passala' lakajarianga.

YESAYA 9:7

Napabattumi Batara hukkunganga mae ri kakaraenganna Israel.

PIRAUNG 3:23

tuli beruna tunggala' bari'basa' tojeng-tojeng, anjo Batara tena le'bakai amminra pa'mai'Na!

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 3:33

Inai-nai ampatappaki kasa'bianNa, iami ammangakui angkanaya ma'nassa tojengi Allata'ala.

ROMA 8:30

Kammaminjo bateNa Allata'ala angkioki sikamma tau le'baka Napattantu memang la'bi riolo; na sikamma anjo tau Nakioka nisare oloang assibajiki ammotere' siagang Allata'ala. Na sikamma anjo tau le'baka nisare oloang assibajiki ammotere' siagang Allata'ala, nisare tommi pammantangang lalang katallassang KalenNa Allata'ala.

ROMA 9:24

Ikattemi le'baka Nakio', tena nabattu ri bansa Yahudia bawang, mingka battu ri bansa-bansa maraenga pole.

1 KORINTUS 1:9

Akkullei nipatappa' tojeng-tojeng Allata'ala. Iami Allata'ala le'baka angkiokko untu' a'jari se're siagang Ana'Na, iamintu Isa Almasi, Batarata.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

1 TESALONIKA 2:12

Kipakainga' mako, kipamajuko, siagang kikellai tojengko attallasa' situru' ero'Na Allata'ala, sa'genna nupakasannang atinNa. Nasaba' le'ba' mako Nakio' Allata'ala untu' a'jari umma'Na lalang ri Lino BeruNa siagang lalang ri kalompoanNa.

2 TESALONIKA 2:14

Tete ri Kabara' Baji' napabattua ikambe mae ri kau ngaseng naNakiokko Allata'ala. Nakiokko Allata'ala, lanri eroki Allata'ala sollanna nunggappa todong pammantangang lalang ri kalompoanNa Batarata Isa Almasi.

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

2 PETRUS 1:3

Le'baki Napake koasa kakaraenganNa Allata'ala untu' assareki' sikontu apa-apa niparalluanga sollanta akkulle anynyomba ri Ia lalang tallasatta. Nagaukangi kammaya anjo tete ri mangngassenta mae ri Isa Almasi le'baka angkiokki' sollanna akkulle todong nikasia' kalompoanNa siagang kabajikanNa.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”