1 TESALONIKA 5:23 - KITTA' MATANGKASA'

²³ Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

1 TESALONIKA 5:23 ပူးပေါင်းရင်းမြစ်များ

YEHEZKIEL 37:28

Punna nia'mi BallakKu ri tangnga-tangngana ke'nanga untu' satunggu-tungguna, lanaassemmi bansa-bansa maraenga angkanaya iNakke, Batara, le'ba' ampilei Israel a'jari ummakKu.”

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

KAIMANGNGANG 20:8

Turuki hukkung-hukkungKu, lanri iNakkemi Batara, le'baka ansa'lakko untu' KalengKu pata.”

LUKAS 1:46

Nakanamo Maria, “Mammuji atingku ri Batara,

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

LAMPA-LAMPANA 20:32

Kamma-kamma anne kupassareang mako mae ri Allata'ala, naporo Iami amparakai ngasengko, siagang nuporo anna'gala' jarre' ngaseng mae ri anjo kabara' pangngamaseanNa Allata'ala. Koasai Allata'ala ampakajarrekko siagang assareko barakka'-barakka'Na, le'baka Napasadia untu' sikontu umma'Na.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 15:33

Poro Allata'ala, akkullea assarei salewangang rupataua, anrurungang ngasengko lalang ri katallassannu. Aming!

ROMA 15:5

Poro Allata'ala, akkullea assarei kasa'barrang siagang panynyaleori rupataua, antulung ngasengko sollannu akkulle a'julu ati, mannuruki ri katallassanNa Isa Almasi.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 14:33

Anjo Allata'ala Nangai apa-apa niatoro' bajika; taNangaiyai apa-apa tenaya nabaji' atoro'na. Kamma nigaukanga ri sikontu jama'aNa Allata'ala,

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

FILIPI 1:6

KalenNa Allata'ala le'ba' ampakaramulai anne jama-jamang bajika ri kau; na tappaka' angkanaya Ia tommi lampannarrusuki anjo jama-jamanga sa'genna le'ba' ri Allo kabattuanNa ammotere' Isa Almasi.

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

1 TESALONIKA 3:11

Naporo KalenNa Allata'ala Manggeta, kammayatompa Batarata Isa, allappari oloanna ikambe sollanta akkulle assicini'!

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 4:3

Iaminne Nakaerokia Allata'ala: Nikellaiko sollannu matangkasa' lalang tallasa'nu, untu' KalenNa siagang nupakabella kalennu battu ri a'gau' bawanga.

1 TESALONIKA 5:22

Pakabellai kalennu battu ri sangka' rupaya kaja'dallang.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,