1 TESALONIKA 5:19 - KITTA' MATANGKASA'

¹⁹ Teako jallakkangi RohNa Allata'ala.

1 TESALONIKA 5:19 ပူးပေါင်းရင်းမြစ်များ

PA'JARIANG 6:3

Nakanamo Batara, “Tena naKupa'biangi rupataua attallasa' satunggu-tungguna; musti matei ke'nanga. Appakkaramula ri kamma-kammaya anne tenamo nakkulle la'bi ri 120 taung umuru'na.”

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

KELONG MALA'BIRI' 8:7

Manna je'ne' jai takkulei nabuno pepe'na passingaianga, na a'baya takkulleai naanyukkang. Punna nia' tau ampassareangi sikontu barang-baranna untu' amballi passingaianga, mattantu poro pa'hinaji bawang lanagappa.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

1 KORINTUS 14:30

Mingka ebara' angkana nia' maraengannaya anjo tau hadereka ammempo anggappa biritta battu ri Allata'ala, naero' napabattu anjo birittaya, musti ammari rolong anjo tau sitabanga a'bicara.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

EFESUS 6:16

Kere-kere wattu parallui tuli nupake tappaka mae ri Batara a'jari sanrapang sanjata akkullea ampasalai sanjatana musua; iaminjo katappakkanga akkulle nupake ambunoi rinrana ana' panana kaja'dallanga.

1 TESALONIKA 5:20

Teako cini' tunai biritta-biritta napabattua RohNa Allata'ala.

1 TIMOTIUS 4:14

Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

1 SAMUEL 16:4

Nagaukammi Samuel situru' anjo Napaua Batara. Ri wattunna battu mange ri Betlehem, niruppaimi ri sikamma pamimpinga ri anjo kotaya. Nata'bangka ke'nanga siagang akkuta'nang angkana, “Maka kabara' kasalamakkang anne naerang kabattuanna bapa'?”