1 TESALONIKA 4:6 - KITTA' MATANGKASA'

⁶ Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

1 TESALONIKA 4:6 ပူးပေါင်းရင်းမြစ်များ

PAMMUJI 140:12

Boli'mi kamma nituju ri bala lompo tau anggaukangai katerassanga, teaKi' lappassangi ammantang ri lino tau nangaia appitina.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

KALAPPASSANG 20:15

Teako a'lukkakki.

KALAPPASSANG 20:17

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

PANGNGEBARANG 16:11

Nakaerokangi Batara a'gau' lambusu' taua lalang pa'balu'-balukanga, kammayami lalang ammakea ukkurang siagang timbangang.

PANGNGEBARANG 20:14

Paballia tuli akkunrareng ri passala' ka'jala'na apa-apaya. Mingka punna le'ba'mo naballi, nakalompoammi pa'mai' lanri anjo ballinna naballiangi.

PANGNGEBARANG 20:23

Timbangang siagang batu timbangang jekkonga taNangaiyai Batara.

PANGNGEBARANG 28:24

Inai allukkaki tau toana siagang nakana teai dosa anjo kammaya, sangkammai palukka'-palukka' maraenga.

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

YEHEZKIEL 22:13

Mingka kamma-kamma anne laKudengkai sikamma paellaka siagang pabuno taunu.

KAIMANGNGANG 19:11

Teako a'lukakki, annipui yareka a'balle-ballei.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

KAIMANGNGANG 25:14

Jari punna a'balukko tampa' mae ri parannu tu Israel, yareka ammalliko tampa' battu ri ia, teako jekkongi batenu anggaukangi anjo a'baluka siagang ammallia.

KAIMANGNGANG 25:17

Teako annipui mae ri parannu tu Israel, mingka paralluko malla' mae ri Batara, Allata'alanu.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

ZEFANYA 3:1

Nitunrai Yerusalem, kota ja'dalaka nangaia angngewa ri Batara siagang anjallakkangi pandudu'na pa'rasangang kalenna!

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MARKUS 10:19

Nuassemmi sikamma parentaNa Allata'ala angkanaya, ‘Teako ammunoi; teako a'gau' assalimarri; teako a'lukkaki; teako assa'bi balle-ballei; teako annipui; pakala'biriki manggenu siagang amma'nu.’ ”

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

LUKAS 16:28

Nasaba' nia' lima sari'battangku anjoreng. Kisuro sai Lazarus ampakaingaki ke'nanga, sollanna tena lalo natu'guru' todong ke'nanga antama' ri tampa' passessaya anne.’

ROMA 1:18

Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

PAOLE 24:7

Inai-nai anculiki julu bansana, nampa nagau' sangkamma ata yareka naallei nabalukang, musti nihukkung matei anjo taua. Kammaminjo caranu ampaccappuki kaja'dallang kammaya anjo.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

1 TESALONIKA 2:11

Nuassemmi angkanaya kipare' mako sanrapang ana'-ana' kalenna ikambe.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

IBRANI 2:6

Kabalekanna, nia' tattulisi' lalang ri Kittaka angkana, “Apai kutadeng anjo rupataua, o Allata'ala, sa'genTa ero' angngu'rangi? Anjo rupataua poro tauji bawang, mingka erokKi' anjampangi!

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.