1 TESALONIKA 4:5 - KITTA' MATANGKASA'

⁵ Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

1 TESALONIKA 4:5 ပူးပေါင်းရင်းမြစ်များ

PAMMUJI 79:6

Kitumpami pangngalarroinTa mae ri bansa-bansaya ia tenaya naassengKi', siagang mae ri sikamma kakaraengang tenaya nanynyomba mae ri Katte.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

MATIUS 6:32

Tau tenayaji natappa' ri Allata'ala tuli angngondang dudui sikammaya anjo. Sikontutojenna le'ba' Naasseng memanji Manggenu ri suruga, angkanaya nuparalluang ngasengi anjo sikammaya.

LUKAS 12:30

Tau tenayaji natappa' ri Allata'ala angngondang ngasengi sikammaya anjo. Na sikontutojenna, Naassemmi Allata'ala la'bi riolo angkanaya parallu ngasengi anjo mae ri kau.

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

ROMA 1:24

Iaminjo saba'na nanibalang parekammo ke'nanga ri Allata'ala nikoasaia ero'na ke'nanga untu' anggaukangi kaja'dallanga. Sa'genna nagaukammi ke'nanga apa-apa ra'masaka mae ri massing para ia.

ROMA 1:26

Lanri kammana anjo panggaukanna rupataua, nibalang parekammi ke'nanga ri Allata'ala anturuki hawa napasu hinana ke'nanga. Tubai'-bainena ke'nanga tenamo naero' ri bura'nea sangkamma biasaya ri rupataua, passangalinna parannami bai'-baine nakaeroki.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.