1 TESALONIKA 3:5 - KITTA' MATANGKASA'

⁵ Lanri kammana minjo nakusuromo Timotius battu mae ri kau ngaseng, sollanna akkulle kuasseng antekamma kamajuanna katappakkannu, nasaba' teai sipato' ero'na kuasseng. Bata-batai nyawaku, gassingka naso'riko Billisi' sa'genna a'jari sia-sia ngaseng kaposoanna ikambe.

1 TESALONIKA 3:5 ပူးပေါင်းရင်းမြစ်များ

YESAYA 49:4

Mingka kukana, “Tena matu-matunna posoku; la'busu' sia-siaji kagassingangku!” Mingka tappaka' angkana Napattojengi Batara hakku, Nabalasakka' Allata'ala situru' panggaukangku.

DANIEL 6:19

Nampa ammotere'mo karaenga ri balla' karaenga. Taerokai angnganre yareka nisaleori. Siagang sila'busu' bangngi takkullea attinro.

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

LAMPA-LAMPANA 15:36

Tasalloai, nakanamo Paulus ri Barnabas, “Umba ki'lampa pole angkunjungi sikamma paranta tu tappa' ri Isa niaka ri kota-kota le'baka nibattui ampa'la'bangi kana-kananNa Batara; sollanna akkulle nicini' antekamma katallassanna ke'nanga.”

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

GALATIA 2:2

A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.

GALATIA 4:11

Bata-batai nyawaku, gassingka la'jari sia-siaji posoku mae ri kau.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

FILIPI 2:19

Matappaka' angkanaya lanri pannulunNa Batara Isa, akkullei kusuro linta' Timotius battu ri kau; sollangku akkulle anggappa panynyaleori allangngereki kabara'nu.

1 TESALONIKA 2:1

Sikamma sari'battangku! Kalennu ngasemmi angngassengi angkanaya tena nasia-sia kabattuanna ikambe mae ri kau ngaseng.

1 TESALONIKA 3:6

Kamma-kamma anne nia'mi ammotere' Timotius; siagang napabattumi ri kambe kabara' nakarannuanga ikambe, iamintu ri passala'na katappakkannu mae ri Almasi siagang passikamaseannu. Napabattumi ri kambe angkanaya tuli nuu'rangi baji'na ngaseng ikambe lalang ri pa'mai'nu ngaseng. Siagang angkanaya ero' ngasengko angngagangi ikambe assicini', sangkamma todong ikambe sanna' todong ero'na ikambe angngagang ngasengko assicini'.