1 TESALONIKA 3:4 - KITTA' MATANGKASA'

⁴ Ri wattunna assiagangija ikambe siagang ikau ngaseng, le'ba' memammi kipau la'bi riolo mae ri kau ngaseng angkanaya lanikasiaki sessaya. Na ma'nassa kajariang tojemmi anjo kipakkanaya; kalennu ngasemmi angngassengi anjo kammaya.

1 TESALONIKA 3:4 ပူးပေါင်းရင်းမြစ်များ

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

LAMPA-LAMPANA 17:1

Napatulusu'mi lampana Paulus siagang Silas. Ammolongangi ke'nanga ri Amfipolis siagang Apolonia, nampa battu ke'nanga mange ri Tesalonika. Anjoreng nia' balla' sambayang tu Yahudi.

LAMPA-LAMPANA 17:13

Ri wattunna nalangngere' tu Yahudi niaka ri Tesalonika angkanaya nabirittakang tommi Paulus kana-kananNa Allata'ala ri Berea, mangemi ke'nanga ri Berea; nampa napa'jari lussa' siagang napakabambang nyawana tau niaka ri Berea.

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

1 TESALONIKA 2:14

Sikamma sari'battangku, apa nukasiaka ri tallasa'nu, le'ba' tommi nakasia' sikamma jama'aNa Allata'ala ri butta Yudea, a'jaria taunNa Isa Almasi. Nukasiaki passessaya battu ri julu bansanu tonji, sangkamma nakasiaka sikamma Jama'aNa Allata'ala ri butta Yudea battu ri tu Yahudia.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

2 TESALONIKA 2:5

Maka tanuu'rangiai angkanaya le'ba' mako kupauang ngaseng anjo ri wattungku nia' ri tangnga-tangnganu ngaseng?

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”