1 TESALONIKA 3:11 - KITTA' MATANGKASA'

¹¹ Naporo KalenNa Allata'ala Manggeta, kammayatompa Batarata Isa, allappari oloanna ikambe sollanta akkulle assicini'!

1 TESALONIKA 3:11 ပူးပေါင်းရင်းမြစ်များ

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

MATIUS 6:14

Punna nupammopporang tu kasalanga ri kalennu, Napammopporang tongi Allata'ala Manggenu ri suruga dosanu.

MATIUS 6:18

sollanna tena naassengi tau maraenga angkanaya appuasako; passangalinna Manggenu bawang ri suruga angngassengi. Na iaminjo Manggenu ri suruga lassareko sallang pahala lanri appuasanu.”

MATIUS 6:26

Cini' sai anjo jangang-janganga ri panri'bakkanna. Tena nangngasseng a'lamung-lamung, tena nakkatto, kammayatompa tena nammoli' wassele' lamung-lamung ri pammoli'-molikanna. Mingka manna nakamma mamo, niparakai tonji ri Manggenu niaka ri suruga. Sai lompoangangi anggarannu nasikamma anjo jangang-janganga?

MATIUS 6:32

Tau tenayaji natappa' ri Allata'ala tuli angngondang dudui sikammaya anjo. Sikontutojenna le'ba' Naasseng memanji Manggenu ri suruga, angkanaya nuparalluang ngasengi anjo sikammaya.

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

MATIUS 6:6

Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

MARKUS 1:3

Nia' tau akkiok-kio' ri parang lompoa angkana, ‘Pasadiai oloanNa Batara; Lappari ngasengi oloang laNaoloa.’ ”

LUKAS 12:30

Tau tenayaji natappa' ri Allata'ala angngondang ngasengi sikammaya anjo. Na sikontutojenna, Naassemmi Allata'ala la'bi riolo angkanaya parallu ngasengi anjo mae ri kau.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

ROMA 1:3

Naia bonena anjo Kabara' Bajika iamintu ri passala'na Ana'Na Allata'ala, Batara Isa Almasi. Lalang rupatauna, Iami sossorang battu ri Daud;

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

GALATIA 1:4

Napassareammi KalenNa Almasi a'jari koro'bang untu' dosa-dosata, lanri Naturukinna ero'Na Allata'ala Manggeta. Sollanta akkulle nipasalama' battu ri anne jammang kaja'dallanga.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.