1 TESALONIKA 2:19 - KITTA' MATANGKASA'

¹⁹ Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

1 TESALONIKA 2:19 ပူးပေါင်းရင်းမြစ်များ

PANGNGEBARANG 12:4

Tubaine bajika iami kalompoang pa'mai' siagang kate'neang mae ri bura'nenna, baine ampakasirikai bura'nenna sanrapangi garring lalang ri buku, ammanrakia.

PANGNGEBARANG 16:13

Kasa'biang annabaya napakasannangi pa'mai'na tukoasaya, nakamaseangi tau a'bicara lambusuka.

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

PANGNGEBARANG 4:9

Lanasareko belo-belo bunga ga'ga, untu' a'jari songko' kalompoannu.

YESAYA 62:3

La'jariko rapang songko' kala'birang lalang limanNa Batara, songko' kakaraengang lalang limanNa Allata'alanu.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

YOHANES 21:22

Appialimi Isa Nakana, “Ebara' angkana erokKa' natuli attallasa'na sa'gengKu battu poleang sallang, anjo teai urusannu. Mingka ikau, amminawang mako ri Nakke!”

1 KORINTUS 15:23

Mingka la'massing-massingi wattunna taua nipattallasa' poleang: uru-uruna Almasi; le'baki anjo, punna battu poleang Almasi, nampa sikamma tau antamaya ri pa'rappunganna umma'Na Almasi.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

FILIPI 4:1

Lanri kammana, sikontu sari'battangku kukarimangngia, paralluko attojeng-tojeng tappa' mae ri Batara lalang ri katallassannu. Nakku' sikali pa'maikku mae ri kau ngaseng! Ikaumi nakalompoanga pa'maikku siagang kukarannuanga.

1 TESALONIKA 2:20

Namemang, ikau ngasemmi nakalompoang nyawana ikambe siagang nakarannuanga nyawana ikambe!

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

2 TESALONIKA 1:4

Iaminjo saba'na natuli nacaritako ikambe punna mangeki' akkunjungi jama'ah-jama'aNa Allata'ala nakipuji ngasengko ri alla'na sikamma jama'aNa Allata'ala. Lompomi pa'mai'na ikambe ancaritai antekamma majarre'na tappa'nu mae ri Almasi ri tangnga-tangngana passessaya siagang kapa'risang nukasiaka.

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

2 TESALONIKA 2:1

Ri passala'na kabattuanNa Batarata Isa Almasi, siagang lanipasse'reta ngaseng untu' sipammantangang siagang Batara, iaminne kupala' tojeng-tojenga mae ri kau ngaseng:

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

YAKOBUS 5:7

Lanri kammana, sa'bara' ngasengko sari'battang, sa'genna battu Batara. Ciniki antekamma sa'bara'na palamung-lamunga antayangi wassele' lamung-lamung lompoa anggaranna mae ri ia. Sa'baraki antayangi wattu bosia siagang wattu pa'rapponna lamung-lamunna.

YAKOBUS 5:8

Parallu tongko sa'bara' siagang lompo pa'mai'nu, nasaba' a'reppese'mi allo kabattuanNa Batara.

1 PETRUS 5:4

Na punna battu sallang Pakalawaki Mala'birika, langgappa mako hadia sannaka ga'gana. Anjo hadiaya takkulleai amminra kaga'ganna.

2 PETRUS 1:16

Ri wattunna kipabattu mae ri kau antekamma mala'biri'na kabattuanNa Batarata Isa Almasi, tena nakituruki carita kosong battua ri rupataua. Anjo kala'biranNa Almasi mata kalennami ikambe le'ba' anciniki.

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.