1 TESALONIKA 2:17 - KITTA' MATANGKASA'

¹⁷ Mingka sikamma sari'battangku, baku' anynya'la'na ikambe battu ri kau ngaseng – sisa'la' ri mata mingka tena ri pa'mai' – pila' nakku'mi ikambe mae ri kau ngaseng. Nakiattojeng-tojemmo usaha untu' angngagang ngasengko assibuntulu' poleang!

1 TESALONIKA 2:17 ပူးပေါင်းရင်းမြစ်များ

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 45:28

Nakanamo, “Tallasa' iji anakku Yusuf! Iaji anjo bawang kukaeroki! Musti a'lampa' mange anciniki ri tenanapa kumate.”

PA'JARIANG 48:11

Nampa nakanamo Yakub ri Yusuf, “Tena sikali kukapangi angkana lasicini' ija' siagang ikau. Mingka kamma-kamma anne ba'lalo Nasarema' Allata'ala pangngellai untu' ancini' tongi ana'-ana'nu.”

2 SAMUEL 13:39

mingka ri tenanamo nasi'na nyawana Daud, sanna'mi nakku'na mae ri Absalom.

2 KARAENG-KARAENG 5:26

Mingka nakanamo Elisa, “Niaki anjoreng nyawaku ri wattunna naung Naaman battu ri karetana untu' ambuntuliko. Anne teai wattunna untu' anggappa doe' siagang ammalli koko zaitun, koko anggoro', gimbala', sapi siagang ata-ata.

PAMMUJI 63:1

Pammujina Daud, ri wattunna nia' ri parang lompona Yehuda.

LUKAS 12:58

Punna nia' tau antuduko nanaerangko mange ri pangadelanga, assiama' mako linta' siagang anjo taua ri wattu tenanapa nunrapi' mange ri pangadelanga. Nasaba' punna tena, tena tanare'resannu mange ri dallekanna hakinga; nampa napassareangko anjo hakinga mae ri pulisia; nampa napantamakko pulisia ri tarungkua.

LUKAS 22:15

Nampa Nakana ri ana'-ana' gurunNa, “Ero' duduA' angnganre kanre Paska siagang ikau ngaseng ri tenanapa Kupisa'ringi passessaya!

LAMPA-LAMPANA 17:10

Anjo bangngia nisuromi Paulus siagang Silas ri tau tappaka anjoreng ri kotaya, a'lampa mange ri Berea. Battuna Paulus siagang Silas ri Berea, mangemi ke'nanga ri balla' sambayanna tu Yahudia.

ROMA 1:13

Sikamma sari'battangku! Eroki kupappiassengang ri kau ngaseng angkanaya, sikontutojenna a'mole-mole sikalima' ero' battu angkunjungi ngasengko, mingka tuli nia' salibanra. Sanna' erokku, sollanna nia' todong wassele' jama-jamangku ri tangnga-tangnganu, sangkamma ri pa'rasangang maraenga ri tangnga-tangngana bansa maraenga.

ROMA 15:23

Mingka kamma-kamma anne le'ba'mi jama-jamangku anjoreng ri daera-daeraya. Attaung-taummi salloku tuli ero' angkunjungi ngasengko.

1 KORINTUS 5:3

Bellai batangkalengku battu ri kau ngaseng, mingka pa'maikku niaki ri tangnga-tangnganu. Jari erokka' a'bicara sangkamma angkana niakka' ri tangnga-tangnganu, “Lalang arenNa Batara Isa Almasi nakupau angkanaya, anjo tau le'baka anggaukangi anjo panggaukang ra'masa' kammaya, musti nihukkungi!” Punna a'rappungangko pasanrapangi angkanaya nia' tonga' hadere' lanri koasaNa Isa Almasi.

KOLOSE 2:5

Nasaba' manna pole nakisikabellai, mingka nyawaku tuli niaki ri tangnga-tangnganu. Na sanna' rannuku ancinikko a'julu ati siagang majarre' tappa' mae ri Isa Almasi.

1 TESALONIKA 3:6

Kamma-kamma anne nia'mi ammotere' Timotius; siagang napabattumi ri kambe kabara' nakarannuanga ikambe, iamintu ri passala'na katappakkannu mae ri Almasi siagang passikamaseannu. Napabattumi ri kambe angkanaya tuli nuu'rangi baji'na ngaseng ikambe lalang ri pa'mai'nu ngaseng. Siagang angkanaya ero' ngasengko angngagangi ikambe assicini', sangkamma todong ikambe sanna' todong ero'na ikambe angngagang ngasengko assicini'.