1 TESALONIKA 2:16 - KITTA' MATANGKASA'

¹⁶ Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

1 TESALONIKA 2:16 ပူးပေါင်းရင်းမြစ်များ

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

DANIEL 8:23

Punna lanarapi' kala'busanna anjo sikamma kakaraenganga, iamintu punna narapi'mi coppo'na kaja'dallanga, nia'mo sitau karaeng kapala batu lammumba, siagang cara'deka annipu.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

MATIUS 12:45

Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

MATIUS 23:32

Punna kamma gaukang tulimi siagang pa'le'ba'mi dosa-dosa le'baka napakkaramulai boe-boenu!

MATIUS 24:14

Na lanibirittakammo ri sikontu linoa Kabara' Bajika, ri passala' antekamma batena ammarenta Allata'ala, sollanna nalangngere' ngaseng taua. Le'baki anjo nampami battu allo kiamaka.”

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MARKUS 16:16

Na inai-nai tatappaka, lanihukkungi. Mingka inai-nai tappa' na nije'ne', iami lanipasalama'.

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

LAMPA-LAMPANA 13:50

Mingka nikompa-kompa salami ri tu Yahudia sikamma tumalompoa siagang bai'-baine tumalompoa ri anjo kotaya, ia tu mallakamo ri Allata'ala. Napasimusumi ke'nanga siagang Paulus na Barnabas. Sa'genna nibongkamo Paulus siagang Barnabas battu ri anjo daeraya.

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 14:2

Mingka tu Yahudi tenaya naero' tappa' nakompa-kompa salami bansa maraenga, sa'genna birisi'mo ke'nanga mae ri tu tappaka ri Isa.

LAMPA-LAMPANA 14:5

Assikongkolo'mi tu Yahudia siagang pamimping-pamimpinna ke'nanga, siagang pole bansa-bansa maraenga ero' ansessai siagang ansambilai batu anjo tunisuroNa Allata'ala.

LAMPA-LAMPANA 17:13

Ri wattunna nalangngere' tu Yahudi niaka ri Tesalonika angkanaya nabirittakang tommi Paulus kana-kananNa Allata'ala ri Berea, mangemi ke'nanga ri Berea; nampa napa'jari lussa' siagang napakabambang nyawana tau niaka ri Berea.

LAMPA-LAMPANA 19:9

Mingka nia' siapa are ri ke'nanga sanna' terasa'na pa'mai'na, siagang taerokai tappa'. Nacallami ke'nanga ri dallekang pa'rappunganna anjo taua, anjo pangngajarang ri passala' ero'Na Allata'ala ampasalamaki rupataua lalang ri KalenNa Isa. Lanri kammana, a'lampami Paulus ambokoi ke'nanga, nampa a'lampa siagang tau tappakamo ri Isa mange ri kamara' sikolana Tiranus. Anjoreng, allo-allomi sipa'bicara siagang taua.

LAMPA-LAMPANA 21:21

Na kamma-kamma anne nalangngere'mi ke'nanga angkanaya le'ba'mi nuajara' sikamma tu Yahudi niaka ammantang ri tangnga-tangngana bansa maraenga, sollanna nabokoimo ke'nanga anjo sikamma parentaNa Allata'ala napabattua Musa. Nupakainga'mi ke'nanga sollanna tenamo nanasunnaki ana'-ana'na ke'nanga, yareka tenamo nanaturuki ke'nanga ada'-ada'na tu Yahudia.

LAMPA-LAMPANA 23:12

Ammukona ri subu-subua, appakkaramulami assikongkolo' tu Yahudia. Assumpami ke'nanga angkana talangnganreai siagang talangnginungai ke'nanga punna tanabunoapi Paulus.

LAMPA-LAMPANA 24:9

Amminawang ngaseng tommi sikamma tu Yahudi niaka anjoreng antudui Paulus. Siagang napakkontu tojemmi ke'nanga sikamma anjo apa le'baka napau Tertulus.

LAMPA-LAMPANA 25:2

Battumi mae ri ia imang-imang kapalaya siagang pamimping-pamimpinna tu Yahudia anjoreng, ampabattui tuntutanna ke'nanga mae ri Paulus. Tuli nanyonyo'mi ke'nanga Festus,

LAMPA-LAMPANA 25:7

Ri wattunna battu Paulus, ammentemmi anjo sikamma tu Yahudi battua ri Yerusalem angkulilingi Paulus. Nampa appakkaramulamo ke'nanga antudui siagang ambattalli Paulus. Mingka takkulleai ke'nanga ampa'butti anjo sikamma tuduhang napaua ke'nanga.

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

LAMPA-LAMPANA 9:23

Tena nasallo ribokoanganna, assikongkolo'mi tu Yahudia ero' ambunoi Saulus.

1 KORINTUS 10:33

Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.

GALATIA 5:11

Na inakke, sari'battangku ngaseng, apa saba'na nakutuli nimusu punna kubirittakang angkanaya parallui anjo paratoranna sunnaka? Punna kamma memang anjo kubirittakanga, tenamo na'jari passala' punna kubirittakang anjo Salli'Na Almasi.

EFESUS 3:13

Lanri kammana, iami anne pappalakku ri kau: teako ranggaselai ri passala' kapa'risang kukasiaka passabakkang ikau ngaseng; nasaba' yangasenna anjo untu' kabajikannu ngaseng.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

2 TESALONIKA 2:10

Lanapakei sikamma akkala' patipu kaja'dallanga sollanna akkulle napakalingu sikamma tau langgappaya kapanrakang. Lapanraki ke'nanga lanri tenana naero' antarimai siagang tenana nangai biritta katojengang battua ri Allata'ala, akkullea ampasalamaki ke'nanga.

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

PAPPICINI' 22:11

Ia tau ja'dalaka, lappassammi a'gau' ja'dala' turus; ia tau ra'masaka lappassammi tuli nara'massi kalenna; ia mannurukia ri ero'Na Allata'ala lappassammi tuli mannuruki ri ero'Na Allata'ala, siagang ia napassareangamo katallassanna untu' Allata'ala bawang, lappassammi attallasa' turus untu' Allata'ala bawang.”