1 TESALONIKA 2:13 - KITTA' MATANGKASA'

¹³ Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

1 TESALONIKA 2:13 ပူးပေါင်းရင်းမြစ်များ

YEREMIA 44:16

“Taerokai ikambe ampilangngeri apa nupabattua mae ri kambe lalang arenNa Batara.

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

MATIUS 10:20

Nasaba' teai ikau la'bicara anjo wattua, passangalinna RohNa Manggea ri suruga la'bicara battu lalang ri kalennu.

MATIUS 10:40

“Inai-nai antarimako, iNakke natarima. Na inai-nai antarimA', natarima tommi ManggeKu assuroA' battu.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

LUKAS 8:11

Nakanamo pole Isa, “Iaminne battuanna anjo pangngebaranga: Anjo binea, iaminjo kana-kananNa Allata'ala.

LUKAS 8:21

Mingka Nakanamo Isa ri ke'nanga, “Inai-nai ampilangngeri siagang anggaukangi kananNa Allata'ala, iami a'jari ammakKu siagang a'jari sari'battangKu.”

YOHANES 15:3

Ikau tangkasa' ngaseng mako, lanri pangngajarang le'baka Kupassareang mae ri kau.

YOHANES 17:17

Kipa'jari ke'nanga ummatTa Kikatutuia lanri katojenganga; na iaminjo kananTa katojenganga.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

LAMPA-LAMPANA 10:33

Lanri kammana minjo nakusuromo linta' taua mae angkiokki'. Nasanna' baji'na pa'maitta, kaerokki' battu mae anrinni. Kamma-kamma anne nia' ngasemmi ikambe anrinni, ri dallekanNa Allata'ala, ero' ampilangngeri sikamma apa Nasuro pabattua Allata'ala mae ri kambe.”

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

LAMPA-LAMPANA 16:14

Kalase'renna ri ke'nanga niareng Lidia, tu battu ri daera Tiatira. Jama-jamanna iamintu padanggang kaeng lango-lango. Lanri mangngamaseanna ri Allata'ala, nipagio'mi atinna ri Batara sollanna natarima anjo apa napangngajarranga Paulus mae ri ia.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

LAMPA-LAMPANA 17:32

Ri wattunna nalangngere' ke'nanga anjo passala' attallasaka ammotere' battu ri kamateanga, nia'mo ri ke'nanga angkakkali Paulus. Nia' todong angkana, “Ero' ijaki' allangngerekko ambicarai pole anne passalaka!”

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.

LAMPA-LAMPANA 8:14

Nalangngere'mi sikamma tunisuroNa Allata'ala ri Yerusalem angkanaya natarimami taua ri Samaria kananNa Allata'ala. Jari nasuromi ke'nanga Petrus siagang Yohanes mange anjoreng.

ROMA 10:17

Iaminjo saba'na na'jari tappa' taua, nasaba' allangngereki biritta, siagang nania' tau allangngereki anjo birittaNa Almasi nasaba' nia' tau ampabattui anjo birittaya.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

GALATIA 4:14

Anjo wattua tena nu'ringi'-ringi' mae ri nakke, manna na'jari paccoba lompo anjo garringku mae ri kau ngaseng. Ba'lalo nutarima bajikka' sangkamma malaeka'Na Allata'ala yareka sangkamma KalenNa Isa Almasi.

KOLOSE 1:6

Tassiara'mi anjo kabaraka alla'bang lino. Na nibarakkakimo katallassanna rupataua lanri anjo birittaya; sangkamma todong nibarakkakimi katallassannu appakkaramula ri nulangngere'na anjo passare malammoro'Na Allata'ala na nupahang baji'-baji'.

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

IBRANI 4:2

Nasaba' sangkamma mae ri ke'nanga, anjo Kabara' Bajika le'ba'mi nibirittakang mae ri katte. Mingka tena matu-matunna nipabattu anjo birittaya mae ri ke'nanga. Nasaba' tena natappa' ke'nanga ri wattunna nalangngere' anjo birittaya.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

1 PETRUS 1:25

mingka kananNa Batara, niaki satunggu-tungguna.” Anjo kanaya Kabara' Baji' le'bakamo nibirittakang mae ri kau.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

2 PETRUS 3:2

Kukellaiko sollanna nuu'rangi kana-kana le'baka napau na'bi-na'biNa Allata'ala riolo, siagang apa Napassuroanga Batara, Karaeng Mappasalamatta, ia napabattua sikamma tunisuroNa mae ri kau.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.