1 SAMUEL 9:9 - KITTA' MATANGKASA'

^9-11 Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)

1 SAMUEL 9:9 ပူးပေါင်းရင်းမြစ်များ

PA'JARIANG 25:22

Attianammi ana' akkambara'. Ri tenanapa nalassu' anjo ana'-anaka, assilutturu'mi ke'nanga lalang ri battanna. Nakanamo Ribka, “Angngapa namusti kajariang anne kammaya ri kalengku?” Nampa appala'mo pitunju' mae ri Batara.

2 SAMUEL 24:11

Nakanamo Batara mae ri Na'bi Gad a'jaria panynyambung bicara ri Daud mae ri Batara, “A'lampako siagang pauangi Daud angkanaya laKusuroi ammile ri tallua passala'. Kereanga napilei iami laKugaukang.” Ammukona bari'basa', ri ambangunnamo ri tinrona Daud,

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

1 PATTOTTORANG 21:9

Nakanamo Batara mae ri Na'bi Gad, ia a'jaria panynyambung bicara ri Daud siagang Batara,

1 PATTOTTORANG 26:28

Bodona kana, Selomit siagang kaluargana iami tanggong jawa' mae ri sikontu apa le'baka nipassareang untu' poro eroka nipake lalang ri Balla'Na Batara, kammaya pole sikamma passare tete ri Na'bi Samuel, ia le'baka napassareang Karaeng Saul, Abner ana'na Ner, siagang Yoab ana'na Zeruya.

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

1 PATTOTTORANG 9:22

Ia nipilea untu' anjagai sikamma pakke'bu' lompoa iamintu 212 tau jaina. Nicataki arenna ke'nanga ri desa-desa pammantanganna ke'nanga. Boe-boena ke'nanga nisarei anjo jabatanga battu ri Karaeng Daud siagang Na'bi Samuel.

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 PATTOTTORANG 16:7

Anjo wattua niaki Na'bi Hanani battu mange ri Karaeng Asa na nakana, “Lanri tanjeng maeko ri karaeng Siria, tena nutanjeng mae ri Karaeng Allata'alanu, tappela'mi kasampatannu untu' ambetai tantarana karaeng Israel.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YESAYA 30:10

Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

AMOS 7:12

Nampa nakana Amazia ri Amos, “He na'bi, ammoterekko mange ri Yehuda! Anjoreng mako akkato'ba. Lappassammi nake'nanga assareko gaji.

1 KORINTUS 12:17

Ebara' angkana a'jari mata ngaseng mami anjo tubua, maka antekammami lakkulle allangngere' anjo tubua? Yareka punna a'jari toli ngaseng mami anjo tubua, maka antekammami lakkulle angngara' anjo tubua?

HAKING-HAKING 1:1

Ri matenamo Yosua, akkuta'nammi umma' Israel ri Batara angkana, “Batara, suku kereangami musti appakkaramula a'lampa mange ambunduki tu Kanaan?”

HAKING-HAKING 18:5

Nakanamo ke'nanga ri ia, “Punna kamma padeng, tulunsai ikambe nukkuta'nang mae ri Allata'ala, maka la'matu-matuji anne pa'lampanna ikambe yareka tena?”