1 SAMUEL 9:26 - KITTA' MATANGKASA'

²⁶ nampa attinro. Ri wattu ammumbana alloa, nikio'mi Saul ri Samuel niaka irate ri pattongkoka; nakana Samuel, “Ambangungko, maeko nakuantarakko a'lampa.” Ambangummi Saul, nampa a'lampa siagang Samuel.

1 SAMUEL 9:26 ပူးပေါင်းရင်းမြစ်များ

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PA'JARIANG 44:4

Tenapa nabella ke'nanga battu ri kotaya anjo, nakanamo Yusuf ri kapala palayanna, “Ondangi linta' anjo taua. Punna nurapi' ke'nanga, angkana mako ri ke'nanga angkana, ‘Angngapa nubalasaki kabajikanga siagang kaja'dallang?

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’

HAKING-HAKING 19:28

Nakanamo ri ia, “Ambangummako, umba ki'lampa.” Mingka tappialiami anjo bainea lanri matemi. Nampa naangka'mo anjo bainea na napanai' ri keledaina, nampa a'lampa ammotere' mae ri balla'na.

1 SAMUEL 9:25

Le'baki anjo naummi ke'nanga battu ri tampa' passambayanganga nampa antama' ri kotaya. Nisaremi Saul katinroang irate ri pattongko'na ballaka,

1 SAMUEL 9:27

Ri wattunna anrapi' ke'nanga ri birinna kotaya, nakanamo Samuel mae ri Saul, “Suroi anjo palayannu a'jappa riolo.” Jari a'lampami anjo palayanga. Nampa nakanamo pole Samuel ri Saul, “Ammantangko rolong anrinni sinampe', nia' pappasanNa Allata'ala lakupauangko.”