1 SAMUEL 9:17 - KITTA' MATANGKASA'

¹⁷ Nacini'na Samuel anjo Saul, Nakanamo Batara ri ia, “Iaminne anjo tau Kupaua ri kau. Iami lammarenta ri ummakKu.”

1 SAMUEL 9:17 ပူးပေါင်းရင်းမြစ်များ

NEHEMIA 13:19

Lanri kammana kuparentakammi sollanna punna appakaramulamo allo Pammari-marianga, iamintu ri Juma'na bangngi, nitongko' ngasengi sikontu pakke'bu' lompona kotaya punna appakkaramulamo karueng. Natakkullea nisungke ammotere' punna tenapa nallallo allo Pammari-marianga, iamintu ri allo Sattu bangngi. Kuboli'mi siapa are ana' buaku ri sikontu anjo pakke'bu' lompoa, untu' anjannangngi sollanna punna allo Pammari-mariang, tena barang balu'-balukang nierang antama' ri kotaya.

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

YEREMIA 32:8

Nampa kamma le'ba' Napaua Batara, battumi Hanameel mae ri nakke ri parang lakkenna balla' karaenga, siagang napala' sollanna kuballi tampa'na. Lanri kammana, tappa' tojemma' angkanaya le'ba' tojemmi a'bicara Batara ri nakke.

HOSEA 13:11

LarroA' naKusareko karaeng, nampa lanri sanna' nassuKu naKupasinta' ke'nanga ammotere'.”

LAMPA-LAMPANA 13:21

Nampa appala' ke'nanga sitau karaeng. Nisaremi Allata'ala ke'nanga se're karaeng, iamintu Saul, ana'na Kis, battua ri suku Benyamin. Iaminjo Saul a'jari karaeng ri ke'nanga patampulo taung sallona.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

1 SAMUEL 9:18

Na lalanna anjo wattua a'reppese'mi Saul mae ri Samuel ri ampi'na pakke'bu' lompoa, siagang akkuta'nang angkana, “Pammopporanga' Bapa', kemae balla'na anjo pacinika?”