1 SAMUEL 9:12 - KITTA' MATANGKASA'

^12-13 Appialimi anjo sikamma tuloloa angkana, “Iye', nia', silalonna nia' a'jappa allaloi ikambe. Punna akkaro-karoki', nakulle akkullei kirapi'. Silalonna battu ri kotaya, nasaba' anne alloa irate ri tampa' pakkoro'bangnganga ri buluka, nia' passare koro'banna ra'yaka. Tena nalangnganre tau jaia punna tenapa nabattu, lanri musti nabarakkaki rolong anjo koro'banga. Punna a'lampaki' kamma-kamma anne, lakirapi'mi ri tenanapa nangngambi' ri bontoa untu' mange angnganre.”

1 SAMUEL 9:12 ပူးပေါင်းရင်းမြစ်များ

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

1 PATTOTTORANG 16:39

Mingka Zadok siagang imang-imang maraengannaya nisarei tugasa' untu' angngurusuki gau' passambayanganga ri tampa' passambayanganga ri Gibeon.

1 SAMUEL 10:5

Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.

1 SAMUEL 16:2

Mingka akkuta'nammi Samuel angkana, “Antekamma musti kugaukanga? Punna nalangngere' anne passalaka Saul, ma'nassa nabunoa'!” Appialimi Batara angkana, “Angngerangko sikayu sapi rungka, siagang paui mae ri ra'yaka angkanaya niakko battu mange anjoreng untu' assare koro'bang mae ri Batara.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.

1 SAMUEL 20:6

Punna akkuta'nang manggenu angkanaya angngapa nakutena hadere', pauammi angkana, le'ba'ma' appala' ising battu ri kau untu' ammotere' linta' mange ri Betlehem, lanri anjoreng nia' pa'gaukang koro'bang taung-taung nagaukanga sikontu kaluargaku.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.