1 SAMUEL 9:1 - KITTA' MATANGKASA'

¹ Nia' se're tau sanna' kalumanynyanna siagang sanna' nikangngalikanna battu ri suku Benyamin, iamintu niarenga Kish. Ia anggota kaluarga battui ri Bekhorat, tangke bijanna Afiah. Manggena niarengi Abiel na toana Zeror.

1 SAMUEL 9:1 ပူးပေါင်းရင်းမြစ်များ

2 SAMUEL 19:32

Anjo lapung Barzilai sanna'mi toana, umuru'na narapi'mi sagantujupulo taung. Teai sipato' kalumanynyanna. Na ri wattunna ammantang karaenga pirangalloang ri Mahanaim, iaminjo Barzilai ampasadiangi apa lanakanrea karaenga.

ESTER 2:5

Anjoreng ri kota Susan, nia' se're tu Yahudi niareng Mordekhai, ana'na Yair. Ia turungang battu ri Kis siagang Simei, battu ri suku Benyamin.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

LAMPA-LAMPANA 13:21

Nampa appala' ke'nanga sitau karaeng. Nisaremi Allata'ala ke'nanga se're karaeng, iamintu Saul, ana'na Kis, battua ri suku Benyamin. Iaminjo Saul a'jari karaeng ri ke'nanga patampulo taung sallona.

1 SAMUEL 10:23

Jari akkaro-karomi ke'nanga mange ambuntuli Saul battu anjoreng, nampa naerang antama' ri tangnga-tangngana ra'yaka. Ammentemmi Saul ri tangnga-tangngana ke'nanga, na iami kaminang tinggi; tu maraenga sa'ge salanggannaji.

1 SAMUEL 14:51

Kish manggena Saul, siagang Ner manggena Abner, iami ana'-ana'na Abiel.

1 SAMUEL 25:2

Ri kota Maon nia' sitau bura'ne battu ri passibijanna Kaleb, niarenga Nabal. Nia' parang pangnganreang olo'-olo' katuona ri ampi'na kota Karmel. Sanna' kalumanynyanna siagang nia' 3.000 kayu gimbala'na, siagang 1.000 kayu bembena. Bainenna niarenga Abigail sanna' cara'de'na siagang sanna' ga'gana. Mingka Nabal kasara' sikali sipa'na siagang kodi panggaukanna. Ri se'reang allo sitabangi Nabal nacukkuru' bulu gimbala'na ri Karmel.