1 SAMUEL 7:7 - KITTA' MATANGKASA'

⁷ Nalangngere'na tu Filistin angkanaya a'rappungammi tu Israel ri Mizpa, a'lampami mange anjoreng anjo limaya karaeng ri Filistin siagang tantarana ke'nanga untu' ambunduki tu Israel. Nalangngere'na tu Israel anjo kabaraka, malla'mi ke'nanga.

1 SAMUEL 7:7 ပူးပေါင်းရင်းမြစ်များ

2 PATTOTTORANG 20:3

A'jari malla'mi Yosafat nampa appala' doang untu' appala' pangngunju' battu ri Batara. Nampa naparentakang sollanna appuasa kabusu' sikontu ra'yaka.

KALAPPASSANG 14:10

Nacini'na tu Israel anjo Karaeng Mesir siagang tantarana battu, teaimi sipato' malla'na ke'nanga. Nammarrammo ke'nanga appala' tulung ri Batara.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

1 SAMUEL 17:11

Nalangngere'na Saul siagang sikamma taunna anjo pa'ngaraya, ta'bangkami ke'nanga siagang a'jari malla' sikalimi.