1 SAMUEL 7:17 - KITTA' MATANGKASA'

¹⁷ Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

1 SAMUEL 7:17 ပူးပေါင်းရင်းမြစ်များ

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

PA'JARIANG 35:7

Ambangummi Yakub anjoreng se're tampa' pakkoro'bangngang nampa naareng anjo tampaka “El-Betel”, lanri le'ba'na Napappicinikang KalenNa Allata'ala ri ia anjoreng, ri wattu larina battu ri daenna.

YESAYA 10:29

Allalomi ke'nanga ri pa'limbangnganga siagang a'bangngi ke'nanga ri Geba! Annekkere'mi pandudu'na kota Rama, siagang larimi pandudu'na Gibea, kotana Saul.

HAKING-HAKING 4:5

Biasai ammempo Debora irawanganna poko' kormaya, niaka ri alla'na kota Rama siagang kota Betel, ri daera monconna Efraim. Anjoremmi battu tu Israel mange appala' pappakainga' battu ri ia.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 11:15

Jari a'lampa ngasemmi ke'nanga mange ri Gilgal. Nampa nipa'jari resmimo Saul a'jari karaeng anjoreng ri tampa' passambayanganga. Assaremi ke'nanga koro'bang pappasiama'; na nasuarrimo Saul siagang sikontu bansa Israel anjo pa'gaukanga.

1 SAMUEL 14:35

Nampa appaenteng Saul tampa' pakkoro'bangngang untu' Batara; iaminjo uru-uru tampa' pakkoro'bangngang napaentenga.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 2:11

Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.

1 SAMUEL 8:4

Lanri kammana a'rappungang ngasemmi sikontu pamimpinna tu Israel, nampa mange andallekang ri Samuel ri Rama,

1 SAMUEL 9:12

Appialimi anjo sikamma tuloloa angkana, “Iye', nia', silalonna nia' a'jappa allaloi ikambe. Punna akkaro-karoki', nakulle akkullei kirapi'. Silalonna battu ri kotaya, nasaba' anne alloa irate ri tampa' pakkoro'bangnganga ri buluka, nia' passare koro'banna ra'yaka. Tena nalangnganre tau jaia punna tenapa nabattu, lanri musti nabarakkaki rolong anjo koro'banga. Punna a'lampaki' kamma-kamma anne, lakirapi'mi ri tenanapa nangngambi' ri bontoa untu' mange angnganre.”