1 SAMUEL 6:7 - KITTA' MATANGKASA'

⁷ Lanri kammana, appasadia mako se're karoba beru siagang ruang kayu sapi appasusua, ia tenayapa nale'ba' nipake a'beso' karoba. Patabami anjo sapi ruaya mae ri karobaya, nampa nubongka ammotere' ana'-ana'na anjo sapia antama' ri barana.

1 SAMUEL 6:7 ပူးပေါင်းရင်းမြစ်များ

2 SAMUEL 6:3

Niallei anjo Patti Parjanjianga battu ri balla'na Abinadab irate ri bontoa nampa nipanai' antama' ri bendi berua. Nampa nirurungang anjo bendia ri ana'-ana'na Abinadab iamintu Uza siagang Ahio; Uza a'jappa ri sa'rinna,

1 PATTOTTORANG 13:7

Battuna ke'nanga mange ri Baala, naallemi ke'nanga anjo Patti Parjanjianga battu ri balla'na Abinadab, nampa napanai' ri se'reang kareta beru. Uza siagang Ahyo anrurungangi anjo pattia,

PAMMILANGNGANG 19:2

untu' ampassareangi anne paratorang-paratoranga mae ri bansa Israel: Angngalleko sikayu sapi gana, ia sikolaka tanja'na siagang tenaya callanna kammayatompa tenayapa nale'ba' nipake untu' atteke' apa-apa.

PAOLE 21:3

Nampa sikamma tau-tau toana anjo kota kaminang a'reppeseka, musti ammilei sikayu sapi rungka ia tenayapa nale'ba' nipake anjama.

PAOLE 21:4

Anjo sapia musti naerangi ke'nanga mange ri tampa' ambania ri binangaya ia tenaya nale'ba' kalotoro' siagang tenayapa nale'ba' nipa'jeko yareka nilamungi buttana. Anjoreng musti natepoki ke'nanga kallonna anjo sapia.