1 SAMUEL 6:4 - KITTA' MATANGKASA'

⁴ “Apami musti nipassareang mae ri Ia?” Kammaminjo pakkuta'nanna taua. Appialimi sikamma anjo imanga angkana, “Lima kambussulu' bulaeng siagang lima balao bulaeng, situru' bilanna sikamma karaenga ri Filistin. Sai anjo bala antabayako akkambu'-kambussuluki siagang sangkammai balao tanja'na, baji' nara'yaka kammayatompa karaenga?

1 SAMUEL 6:4 ပူးပေါင်းရင်းမြစ်များ

KALAPPASSANG 12:35

Nagaukang ngaseng tommi ke'nanga apa le'baka napau Musa, iamintu appalaki ke'nanga belo-belo bulaeng, pera' siagang pakeang battu ri tu Mesir.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

1 SAMUEL 5:12

Tau tenaya namate, nitabai ri anjo garring akkambu'-kambussuluka, sa'genna ammarrang-marrang pandudu'na anjo kotaya mae ri rewata-rewatana ke'nanga, appala' tulung.

1 SAMUEL 5:6

Nampa Nahukkung Batara sikontu pandudu' Asdod siagang tuniaka ri daera tammulilina, iamintu akkambu'-kambussuluki kalenna ke'nanga sangkamma puru.

1 SAMUEL 5:9

Mingka battuna mange anjoreng anjo pattia, nihukkung tommi ri Batara anjo kotaya, sa'genna gegere' lompo taua anjoreng. Nihukkummi pandudu'na anjo kotaya, tau rungka yareka tau toa. Akkambu'-kambussuluki kalenna ke'nanga.

1 SAMUEL 6:5

Jari, musti apparekko bulaeng sanrapang kambussuluka siagang balao ampanrasu-rasua ri pa'rasangannu. Lalang kammana anjo nupakala'biri'mi Allata'alana Israel. Lammarimi kapang anghukkungko siagang rewata-rewatanu kammayatompa pa'rasangannu.

1 SAMUEL 6:8

Nampa, allemi anjo Patti ParjanjianNa Batara, panaiki ri anjo karobaya, nampa nupadongko' ri sa'rinna patti niaka bulaeng lalang, ia mustia nupassareang ri Ia untu' antangkasi dosanu. Lappassammi anjo karobaya siagang sapia a'jappa kale-kale.