1 SAMUEL 6:20 - KITTA' MATANGKASA'

²⁰ Nampa nakanamo panduduka ri Bet-Semes, “Inai akkulle attahang ri dallekanNa Batara, Allata'ala Matangkasaka? Kemaei akkulle niantara' anne Pattia sollanna bella battu ri katte?”

1 SAMUEL 6:20 ပူးပေါင်းရင်းမြစ်များ

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

2 SAMUEL 6:9

Mingka malla' tongi Daud ri Batara siagang nakanamo, “Kamma-kamma anne antekamma batena akkulle kuerang anjo Patti Parjanjianga?”

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

KAIMANGNGANG 11:44

INakke Karaeng Allata'alanu, lanri kammana anjo jagai kalennu sollannu tuli matangkasa', lanri iNakke matangkasakKa'.

KAIMANGNGANG 11:45

INakkemi Batara angngerangko assulu' battu ri butta Mesir, sollangKu akkulle a'jari Allata'alanu. Musti matangkasakko, lanri iNakke matangkasakKa'.

MALEAKHI 3:2

Mingka inai lakkulle attahang ri allo kabattuanNa Batara ampa'nyatai KalenNa? Nasaba' sanrapangi pepe'na pade'de' bulaeng ti'no', siagang sanrapangi sabung tukang pasassaya.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LUKAS 8:37

Napala' dudu ngasemmi tau ammantanga ri daera Gerasa, sollanna a'lampa Isa ambokoi anjo tampaka, lanri malla' duduna ngaseng ke'nanga. Jari nai'mi Isa ri biseanga, ero' ammotere'.

PAPPICINI' 6:17

Battumi anjo allo sannaka heba'na; kamma-kamma anne napassulu' ngasemmi larrona ke'nanga, siagang tenamo manna sitau akkulle attahang ri dallekanna ke'nanga!”

1 SAMUEL 5:7

Nacini'na ke'nanga anjo apa kajarianga mae ri kalenna ke'nanga, nakanamo ke'nanga, “Nahukkungki' Allata'alana Israel, siagang nahukkung tongi Rewatata Dagon. Takkulleai tuli nilappassang anjo Patti Parjanjianga ammantang anrinni la'bi sallo.”