1 SAMUEL 6:17 - KITTA' MATANGKASA'

^17-18 Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

2 SAMUEL 21:22

Anjo appaka tau lompoa ngaseng kalenna nibunoa ri Daud siagang pasukanna, sangnging jari-jari tau lompo kalenna ri Gat.

2 KARAENG-KARAENG 1:2

Ri se'reang allo tu'guruki Karaeng Ahazia iamintu karaeng Israel battu ri baruga bageang ratena balla' kakaraenganga ri Samaria, sa'genna loko' sanna'. Jari assuromi tau untu' a'lampa akkuta'nang ri Baal-Zebub, rewata ri kota Ekron ri Filistin, apaka akkullei a'jari baji' yareka tena.

2 PATTOTTORANG 26:6

A'bunduki Uzia sipa'bali tu Filistin. Naruntungi tembo'-tembo'na kota Gat, Yabne, siagang Asdod, nampa ambangung kota-kota niaka pattahanganna ri ampi'na Asdod siagang ri daera maraengannaya ri Filistin.

KAIMANGNGANG 5:7

Mingka punna tena pakkullena anjo tau kasalanga appasadia gimbala' yareka bembe untu' antangkasi dosana, musti angngerangi sipasang jangang-jangang bukkuru' yareka jangang-jangang bodobangkeng rungka, sikayu untu' koro'bang nipammopporanna dosana, nampa sikayu pole untu' koro'bang nitunu.

AMOS 1:6

Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.

AMOS 6:2

Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

HAKING-HAKING 1:18

Nitulummi tu Yehudaya sa'genna akkulle nabeta passa daera niaka ri moncong-monconga. Mingka takkulleai nabeta ke'nanga kota Gaza, Askelon, yareka pole Ekron siagang sikamma daera niaka ri tammulilina. Saba'na kaanjo bansa-bansa niaka ri biring tamparanga nia'mo kareta-kareta bassina, untu' napake a'bundu'. Jari takkulleai tu Yehudaya angngondangi ke'nanga.

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

HAKING-HAKING 16:1

Ri se'reang allo a'lampami Simson mae ri Gaza. Anjoreng assigappai siagang sitau baine sala. Nampa mangemo assikantinroang siagang anjo bainea.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

1 SAMUEL 5:1

Le'ba'na narampasa' tu Filistin Patti ParjanjianNa Allata'ala, naerammi ke'nanga battu ri Eben-Haezer mange ri kotana ke'nanga, iamintu Asdod.

1 SAMUEL 5:10

Jari niantara'mi anjo Patti Parjanjianga mange ri Ekron, kotana Filistin maraenganga. Battuna anjo pattia anjoreng, ammarrammi panduduka anjoreng angkana, “Nierangi anjo Patti ParjanjianNa Allata'alana Israel untu' ambuno ngasengki'.”

1 SAMUEL 5:8

Jari nakio'mi ke'nanga limaya karaenna tu Filistin sollanna asse're ke'nanga, nampa akkuta'nang ke'nanga angkana, “Laniapami anjo Patti ParjanjianNa Allata'alana tu Israel?” Appialimi anjo sikamma karaenga, angkana, “Paletteki mae ri kota Gat.” Jari nipalette'mi anjo pattia mange ri kota Gat, se'reang kota Filistin maraengannaya.

1 SAMUEL 6:4

“Apami musti nipassareang mae ri Ia?” Kammaminjo pakkuta'nanna taua. Appialimi sikamma anjo imanga angkana, “Lima kambussulu' bulaeng siagang lima balao bulaeng, situru' bilanna sikamma karaenga ri Filistin. Sai anjo bala antabayako akkambu'-kambussuluki siagang sangkammai balao tanja'na, baji' nara'yaka kammayatompa karaenga?