1 SAMUEL 4:2 - KITTA' MATANGKASA'

² Appakkaramulami tantara Filistin a'bakka. Na wattu sallonamo heba' bunduka, kale'bakkanna nibetami tantarana tu Israel, nia' kira-kira patassa'bu tau mate ri tampa' pa'bundukanga.

1 SAMUEL 4:2 ပူးပေါင်းရင်းမြစ်များ

PIRAUNG 3:40

Bajiki massing nisalidiki tallasatta, na kimmotere' mange ri Karaeng Allata'ala niaka ri suruga. Umba nanisungke atinta nakiappala' doang angkana,

KAIMANGNGANG 26:37

Lalariko siagang lasilappo-lappoko para ikau, manna natenaja tau angngondangko. Na tena nukkulle angngewai musu-musunnu.

PAMMILANGNGANG 14:45

Jari nibundukimi ke'nanga ri tu Amalek siagang tu Kanaan niaka ammantang anjoreng; na nibetamo tu Israel sa'genna niondang ke'nanga sa'genna mange ri Horma.

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

1 SAMUEL 17:21

Assidallekammi tantara Filistin siagang tantara Israel para sadia untu' a'bundu.

1 SAMUEL 17:8

Ammantammi Goliat nampa a'gora mae ri tantara Israel angkana, “Apa nupare' antureng? Ero' ngasengko antu a'bundu? Inakke tu Filistin, e kau ngaseng atanna Saul! Pileimi sitau battu ri kau, ia barania naung untu' a'bundu' siagang inakke.

1 SAMUEL 4:1

Anjo wattua napagio' ngasemmi tu Filistin sikontu tantarana untu' ambunduki Israel. Lanri kammana majumi tantara Israel ri pa'bundukanga. Appare'mi kema ke'nanga ri ampi'na Eben-Haezer. Na tantarana tu Filistin appareki kema ri Afek.

1 SAMUEL 4:10

Nampa a'bundu' heba'mo tu Filistin sa'genna nabeta tantarana tu Israel. Larimi tu Israel mange ri massing kemana ke'nanga. Ma'nassa nibeta lompo tojengi tu Israel: Tallumpulomi sa'bu tantara tu Israel mate.

1 SAMUEL 4:3

Ri wattu ammotere'na anjo tantara tassesaya mange ri tampa' kemaya, nakanamo sikamma pamimpinna tu Israel, “Apa kutadeng saba'na naNalappassangki' Batara nibeta ri tu Filistin anne alloa? Umba nanialle Patti ParjanjianNa Batara battu ri Silo, na nierang mae anrinni, sollanna ero' Batara antulungki' siagang Napasalamakki' battu ri musua.”