1 SAMUEL 4:19 - KITTA' MATANGKASA'

¹⁹ Anjo wattua, mintunna Eli, iamintu bainenna Pinehas, sitabangi attianang, Siagang la'birimmi ammana'. Nalangngere'na angkanaya nirampasa'mi Patti ParjanjianNa Allata'ala, siagang mate ngasemmi matoanna siagang bura'nenna, ti'ring ero'mi nasa'ring ammana'. Na tasalloa anjo ammana'mi.

1 SAMUEL 4:19 ပူးပေါင်းရင်းမြစ်များ

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

PA'JARIANG 35:17

Nalanri sanna' sessana ri wattu ammana'na, nakanamo sanroa ri ia, “Pakajarreki nyawanu, Rahel, bura'ne pole ana'nu.”

1 KARAENG-KARAENG 14:1

Anjo wattua ana' bura'nena Yerobeam niarenga Abia, tu'guru' garringi.

PAMMUJI 78:64

Nibunoi imang-imanna ke'nanga siagang pa'dang, takkuleai appiraung janda-jandana ke'nanga.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

1 SAMUEL 4:18

Napabattuna anjo taua kabara'na anjo Patti Parjanjianga, tu'guru'mi Eli battu ri kaderana ri ba'leanna pakke'bu' lompoa. Lanri toa dudunamo siagang lanri co'mo'na, sa'genna tepo'mo kallonna ri wattunna tu'guru', na matemo. Patampulo taungi sallona napimping tu Israel.

1 SAMUEL 4:20

La'birinnamo mate, nakanamo sikamma bai'-baine niaka antulungi, “Sa'barakko! Bura'ne ana'nu!” Mingka tenamo nappiali, siagang tenamo najampangi ke'nanga.