1 SAMUEL 31:7 - KITTA' MATANGKASA'

⁷ Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.

1 SAMUEL 31:7 ပူးပေါင်းရင်းမြစ်များ

KAIMANGNGANG 26:32

LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

1 SAMUEL 13:7

Nia' tommo a'limbang anta'leang ri ba'leanna Binanga Yordan nampa antama' ri daera Gad siagang Gilead. Saul nia' iji ri Gilgal, nannekkere' ngasemmi ra'ya' niaka ampinawangi.

1 SAMUEL 31:6

Kammaminjo Saul siagang tallu ana' bura'nena, siagang sikontu ana' buana kammayatompa anjo turungkaya mate ngasemmi ri wattu anjo allo se'rea.

1 SAMUEL 31:8

Ammukona, ri wattu battuna tu Filistin untu' angngallei apa-apa niaka ri kalenna mayaka, nabuntulu'mi ke'nanga Saul siagang tallu ana'-ana' bura'nena mate ri pa'monconganna Gilboa.