1 SAMUEL 31:6 - KITTA' MATANGKASA'

⁶ Kammaminjo Saul siagang tallu ana' bura'nena, siagang sikontu ana' buana kammayatompa anjo turungkaya mate ngasemmi ri wattu anjo allo se'rea.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Ri wattunna matemo Saul, ammotere'mi Daud battu ri pa'bundukanga ambetai tu Amalek, nampa ammantang ri Ziklag ruangallo.

2 SAMUEL 1:12

Angngarru'mi ke'nanga siagang susami. Kammayatompa appuasami ke'nanga sa'genna bangngi lanri Saul siagang Yonatan, siagang lanri ra'ya' Israel, umma'Na Batara, lanri teai sipato' jaina mate lalang anjo pa'bundukanga.

1 PATTOTTORANG 10:6

Jari matemi Saul siagang tallu ana' bura'nena. Kala'busammi pamarentana.

HAKING-HAKING 9:54

Akkaro-karomi Abimelekh angkioki turungka papisang sanjatana na nakana, “Bi'buki pa'dannu nampa nubunoa', tena kuero' nipakkanai nibuno ri tu baine.” Jari nitobo'mi ri anjo tu rungkaya sa'genna mate.

1 SAMUEL 11:15

Jari a'lampa ngasemmi ke'nanga mange ri Gilgal. Nampa nipa'jari resmimo Saul a'jari karaeng anjoreng ri tampa' passambayanganga. Assaremi ke'nanga koro'bang pappasiama'; na nasuarrimo Saul siagang sikontu bansa Israel anjo pa'gaukanga.

1 SAMUEL 12:17

Lakkioka' mae ri Batara, namanna pole wattu timoroki, lappaturungi Batara gunturu' siagang bosi, a'jari pammatei angkanaya Napilangngeri pappala' doangku. Anjo wattua, lasadara' mako antekamma lompona dosanu mae ri Batara lanri appala'nu sitau karaeng.”

1 SAMUEL 12:25

Mingka punna tulusu' a'gau' dosa tonjako ia, tena tapanra'nu siagang karaennu.”

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

1 SAMUEL 28:19

Ikau siagang tu Israel laNapassareangko mae ri tu Filistin. Ammuko, ikau siagang ana' bura'nenu la'rappungangko siagang inakke; ba'lalo sikontu tantara Israel lanipassareang tongi mae ri tu Filistin.”

1 SAMUEL 31:5

Ri wattu nacini'na anjo turungkaya angkanaya matemi Saul, napara'ba tommi kalenna naung ri matanna anjo pa'danga nampa mate ri sa'rinna Saul.

1 SAMUEL 31:7

Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.