1 SAMUEL 31:4 - KITTA' MATANGKASA'

⁴ Nakanamo Saul mae ri turungka paerang sanjatana, “Bi'bu'mi antu pa'dannu nampa nutoboka', sollanna tena napare' karek-karenanga' siagang nibunoa' ri anjo tau tenaya naassengi Batara.” Mingka taerokai anjo turungkaya antoboki, lanri sannaki napakala'biri'na Saul. Lanri kammana anjo naallemi kalenna Saul anjo pa'danga nampa napara'ba kalenna naung ri matanna anjo pa'danga.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Ri wattunna matemo Saul, ammotere'mi Daud battu ri pa'bundukanga ambetai tu Amalek, nampa ammantang ri Ziklag ruangallo.

2 SAMUEL 1:14

Akkanami Daud, “Barani sikaliko ambunoi karaeng Napilea Batara!”

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

2 SAMUEL 1:6

Appialimi angkana, “Sitabang le'baki nia' atanta ri Moncong Gilboa, nanacini' atanta Saul ammanjeng ri pokena, nampa a'reppese'mo kareta-karetana siagang tantara pajaranna musua ero' angkurungi.

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

2 SAMUEL 21:12

a'lampami angngallei buku-bukunna Saul siagang Yonatan battu ri pandudu'na kota Yabesh ri Gilead. (Le'baki anjo taua allukkaki anjo buku-bukua battu ri parang kotana Bet-San, iamintu tampa'na tu Filistin anggentungi anjo maya'-mayaka ri le'ba'na nabeta Saul ri Bonto Gilboa.)

1 KARAENG-KARAENG 16:18

Ri wattu nacini'na Zimri angkanaya niempoimi ri musu anjo kotaya, antama'mi ri balla' kakaraenganga nampa natunu anjo ballaka napasitunu kalenna, sa'genna matemo.

1 KARAENG-KARAENG 16:27

Riwaya' maraengannaya ri sesena Karaeng Omri, kammayatompa sikontu apa le'baka nagaukang, le'ba'mi nicata' lalang ri kitta' Riwaya'na sikamma karaeng Israel.

1 PATTOTTORANG 10:4

Jari nakanamo Saul mae ri ana' rungka angngerangai sanjatana, “Bi'bu'mi antu pa'dannu na nupatobo' ri nakke sollanna tena nanapare' karek-karenanga' tu Filistin, tenaya Batarana.” Mingka taerokai anjo ana' rungka angngerangai pa'danna antoboki Saul lanri sanna' malla'na. Lanri kammana naallemi Saul kalenna anjo pa'danga nampa natobo' kalenna.

HAKING-HAKING 14:3

Mingka nakanamo tau toana, “Angngapa numusti a'lampa a'boya baine ri tu Filistin, tu tenaya nantama ri golongang umma'Na Batara? Tenaka tulolo baji' lalang ri golonganta todong, yareka lalang ri bansata?” Appialimi Simson ri manggena, angkana, “Mingka kaiaminjo tulolo Filistin kukaeroki. Nakuminasai nakimangemo ampassuroanga'.”

HAKING-HAKING 9:54

Akkaro-karomi Abimelekh angkioki turungka papisang sanjatana na nakana, “Bi'buki pa'dannu nampa nubunoa', tena kuero' nipakkanai nibuno ri tu baine.” Jari nitobo'mi ri anjo tu rungkaya sa'genna mate.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

1 SAMUEL 31:5

Ri wattu nacini'na anjo turungkaya angkanaya matemi Saul, napara'ba tommi kalenna naung ri matanna anjo pa'danga nampa mate ri sa'rinna Saul.