1 SAMUEL 31:12 - KITTA' MATANGKASA'

¹² Nia'mo siapa are tu kaminang barani a'lampa battu anjoreng nampa a'jappa sila'busu' bangngi mange ri Bet-Sean. Napanaummi maya'na Saul siagang maya'-maya'na ana'-ana' bura'nena battu ri tembo'na anjo kotaya, nampa naerang mange ri Yabesh, na natunu.

1 SAMUEL 31:12 ပူးပေါင်းရင်းမြစ်များ

1 PATTOTTORANG 10:12

a'lampami siapa are tau kaminang barania ri ke'nanga mange angngallei maya'na Saul siagang ana'-ana'na, nampa naerang mange ri Yabesh. Natarawammi ke'nanga anjo mayaka ri tujunna se're poko' kayu lompo. Le'baki anjo appuasami ke'nanga tuju allo sallona.

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

YEREMIA 34:5

passangalinna lamateko siagang sannang. Siagang antekamma batena ra'yaka attunu kamanynyang ri wattunna natarawang Daud boenu ammarentaya rioloangannu, kammatommi anjo ra'yaka lattunui kamanynyang untu' ikau. Lasusai ke'nanga lanri kamateannu nanakana, ‘Kodong! Tenami karaenna ikambe!’ INakke, Batara, anne akkana.”

AMOS 6:10

Sitau anggota kaluargana ia tugasaka angngurusuki panguburanna, laniaki battu siagang naerangi assulu' maya'na bijanna. Lakkioki mae ri tau niaka ri bageang bokona anjo ballaka angkana, “Apaka nia' ija maraeng attallasa' pantaranganna ikau?” Na lania'mo sa'ra appiali angkana, “Tenamo!” Anjo anggota kaluarga tugasaka antarawangi anjo mayaka lanakana, “Tea' mako a'bicarai pole! Takkulleaki' ampaui arenNa Batara.”

1 SAMUEL 31:10

Nampa anjo baju pa'bundu'na Saul niboliki lalang ri balla' rewata baine niarenga Asytoret, siagang kalenna anjo bajua nipakui mae ri tembo' kota Bet-Sean.