1 SAMUEL 30:8 - KITTA' MATANGKASA'

⁸ Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”

1 SAMUEL 30:8 ပူးပေါင်းရင်းမြစ်များ

PA'JARIANG 14:16

Naallemi ammotere' Abram sikamma anjo apa-apa le'baka narampasa' musua, kammayatompa Lot siagang sikamma barang-baranna, siagang sikamma bai'-bainea siagang tunialle maraengannaya.

2 SAMUEL 5:19

Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”

2 SAMUEL 5:23

Sikalipi pole Daud appala' pangngunju' ri Batara. Appialimi Batara angkana, “Teako bunduki ke'nanga battu anrinni, mingka a'jappako a'dete' siagang bundukimi ke'nanga battu ri boko, battu ri poko'-poko' kayu murbei.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

HAKING-HAKING 8:4

Anjo wattua battumi Gideon siagang anjo tallum bilangnganga taunna ri ba'leanna Binanga Yordan. Mangngang sikalimi ke'nanga mingka tuli naondanna ija musunna.

1 SAMUEL 10:22

Lanri kammana akkuta'nammi taua ri Batara angkana, “O Batara, apaka anjo taua nia'mi anrinni?” Appialimi Batara angkana, “Accokkoi Saul ri bokona barang-barang pakkakasaka.”

1 SAMUEL 14:37

Nampa akkuta'nammo Saul ri Allata'ala angkana, “Akkulleja' mange ambunduki tu Filistin? Maka laKipassareanji ke'nanga ri limanna tu Israel?” Mingka anjo alloa tena Nappiali Allata'ala.

1 SAMUEL 23:2

Jari akkuta'nammi ri Batara angkana, “Mustika a'lampa' mange ambunduki tu Filistin?” Appialimi Batara angkana, “Iyo, bundukimi ke'nanga siagang pasalamaki pandudu'na kota Kehila.”

1 SAMUEL 23:4

Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 30:18

Akkullemi Daud allappassangi sikontu apa le'baka narampasa' tu Amalek, kammayatompa anjo ruaya bainenna Daud.

1 SAMUEL 30:19

Tena sikali apa-apa tappela'. Sikontu ana' bura'-bura'nea siagang bai'-bainea, kammayatompa sikontu barang nirampasaka naallea tu Amalek, naallei ammotere' Daud.