1 SAMUEL 30:6 - KITTA' MATANGKASA'

⁶ Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.

1 SAMUEL 30:6 ပူးပေါင်းရင်းမြစ်များ

PA'JARIANG 32:7

Nalangngere'na Yakub anjo kabaraka, batami siagang sanna'mi malla'na. Nampa nabage ruamo anjo sikamma tau niaka naagang, kammayatompa gimbala'na, bembena, sapina siagang untana, nasa'la' tommi a'jari ruang pammantangngang.

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

2 KARAENG-KARAENG 4:27

Mingka ri wattunna battu mange ri dallekanna Elisa, su'ju'mi nampa naraka' bangkenna Elisa. Eroki Gehazi ampakabellai anjo bainea battu anjoreng, mingka nakanamo Elisa, “Lappassangi! Sanna' susana nyawana kucini'. Mingka tena apa-apa Napauanga' Batara!”

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

PAMMUJI 116:10

Tuli tappaka', manna kukana mamo, “Sanna' bateku nijallakkang.”

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

PAMMUJI 18:2

Mangngaia' ri Katte, o, Batara, iKattemi kagassingangku.

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMUJI 25:17

Pila' katambangi susana pa'maikku Kilappassang laloa' battu ri kasukkarrangku.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 31:24

Mangngaiko ri Batara, he, sikontu umma'Na, Najagai Batara tu tamamminraya. Mingka Nahukkungi tu tampoa tena napassanggai Nahukkung.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 42:7

Ancuruki pa'maikku anrinni ri pa'rasangang pammelakkanga anne, lanri kammanami kungngu'rangi ri Batara. Ammanyuki nyawaku nalo'lorang kasi'nang, natujua' a'bana karicuang; sanrapang arrunna je'ne' tu'guru'na Binanga Yordan battu ri Moncong Hermon siagang Moncong Mizar.

PAMMUJI 56:11

Mammujia' mae ri Karaeng Allata'ala, lanri apa le'baka Napa'janjiang.

PAMMUJI 62:1

Untu' pamimping pakelong. Situru' Yedutun. Pammujina Daud.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

PAMMUJI 71:4

O, Allata'ala, Kilappassanga' battu ri tau ja'dalaka, battu ri koasana tau pallaka siagang tau sekkeka.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

KALAPPASSANG 17:4

Jari akkio'mi Musa mae ri Batara, angkana, “Apa musti kugaukang mae ri anne taua? Ciniki, eroki ke'nanga ansambila' batu.”

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YUNUS 2:2

“O Batara, lalang kasusaangku kukkio' mae ri Katte naKipialia'. Battu ri linona tau matea nakuppala' pannulung, Kipilangngeri siagang Kiparhatikang pappala' doangku.

PAMMILANGNGANG 14:10

Sikontu ra'yaka a'garatta'mi ero' ansambilai ke'nanga batu sa'genna mate. Mingka ti'ring nia'mo nacini' ke'nanga caya tassioro'Na Batara ammumba irateanna Kemaya.

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

MATIUS 27:22

Akkuta'nammi Pilatus ri ke'nanga nakana, “Jari apa lakugaukangi ri anne Isa, nigallaraka Almasi?” Appialimi ke'nanga angkana, “Allei Salli'!”

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

ROMA 4:18

Tuli ma'minasana siagang tuli tappa'na Abraham manna natenamo panrannuang. Iaminjo saba'na na'jari bapa'mo mae ri jaia bansa. Sangkamma niaka tattulisi' lalang ri Kittaka, angkanaya, “La'jari sanna' jaina sossorannu.”

ROMA 4:20

Tuli tappaki siagang tena nabata-bata mae ri janjinNa Allata'ala. Ba'lalo, a'jari pila' jarre'mi nasaba' tappa'na; sa'genna mammuji-mujimi ri Allata'ala.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

2 KORINTUS 1:6

Punna nituju ikambe ri kasukkarang, nikellaimi sollanna nipakajarre' pa'mai'nu, na nunipasalama'. Punna nipakajarre' pa'mai'na ikambe, nipakajarre' tommi pa'mai'nu. Jari akkulle mako sa'bara' lalang sikontu kasukkarang antujuako, sangkamma kasukkarang le'baka todong tattuju mae ri kambe.

2 KORINTUS 4:8

Sanrapang nibundukimi ikambe battu ri kere-keremae, mingka tena nakasepekang ikambe. Kala'busang akkala' maki', mingka tena nitappu' panrannuang.

2 KORINTUS 7:5

Ri wattunna battu ikambe mange ri butta Makedonia, tena sikali nakisawe ammari-mari poso. Battu iraya ilau'mi kasukkaranga antujuki'; pa'beseranna taua mae ri kambe, kammayatompa malla'-malla' tommaki' ilalang ri atinta.

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

HAKING-HAKING 18:25

Nakanamo anjo suku Dan, “Bajikangngang tongkoki bawanu; gassingka a'jari larro ngasengi anne tu jaia mae ri kau nampa nabakkaiko. Gassingka ikau siagang kaluarganu mate ngasengko.”

HAKING-HAKING 20:22

Lanri nibetana, a'lampami umma' Israel mange ri tampa' ibadaya angngarru' ri dallekanNa Batara anjoreng sa'genna bangngi. Akkuta'nangi ke'nanga angkana, “O, Batara, maka musti a'lampaiji ikambe mange ambunduki anjo tu Benyamin sari'battanna ikambe?” Appialimi Batara angkana, “Iyo, a'lampamako.” Lanri kammana, lompomi pole sumanga'na tantara Israel, sanggenna naatoro'mi ke'nanga ammotere' pasukanna sangkamma ri pakaramulanna.

1 SAMUEL 23:16

Mangemi Yonatan angngagangi sibuntulu' anjoreng untu' ampakajarreki tappa'na angkanaya lanikatutui ri Allata'ala.

1 SAMUEL 28:15

Le'baki anjo nakanamo Samuel ri Saul, “Angngapa nanuganggua'? Angngapa nukiokka' ammotere'?” Appialimi Saul angkana, “Sanna' linguku lanri nibundukia' ri tu Filistin, nampa Nabokoima' Allata'ala. Tenamo Napialia', baji' tete ri sikamma na'bia, kammayatompa lalang so'na. Lanri kammana kupalaki ri katte Bapa', sollanna kipauanga' apa musti kugaukang.”