1 SAMUEL 30:23 - KITTA' MATANGKASA'

²³ Mingka appialimi Daud angkana, “Sikamma sari'battangku, teako appakammai mae ri apa Napassareanga Batara mae ri katte! Sai le'ba' maki' Nakatutui siagang Nasare pammetang mae ri anjo garombolang paellaka?

1 SAMUEL 30:23 ပူးပေါင်းရင်းမြစ်များ

PA'JARIANG 19:7

nakanamo ri sikamma tu Sodom, “Sikamma sari'battangku, kupala' tojeng-tojengi ri katte ngaseng, tea' laloki a'gau' kammai anjo ja'dala'na!

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

LAMPA-LAMPANA 22:1

“Ikatte ngaseng bapa'-bapaka, siagang sari'battanga ngaseng! Eroki kupakasingara' kalengku mae ri katte ngaseng. Jari pilangngerimi anne kanangku!”

LAMPA-LAMPANA 7:2

Appialimi Stefanus nakana, “Sikamma bapa'-bapaka siagang sari'battanga! Pilangngeri sai anne kanangku! Ri tenanapa na'lette' boeta Abraham battu ri pammantanganna ri Mesopotamia mange ri Haran, battui Allata'ala mala'birika mae ri ia, angkana,

PAOLE 8:10

Langnganreko sa'genna sukku' pa'mai'nu siagang sukkuru' mae ri Karaeng Allata'alanu lanri anjo butta coppong Napassareanga mae ri kau.”

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

HAKING-HAKING 19:23

Assulu'mi anjo tau toaya na nakana ri ke'nanga, “Teako, sari'battang! Kupalaki, teako a'gau' kodi yareka a'gau' tenaya nasiratang kammanjo, nasaba' anne taua toanangku.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 30:22

Mingka ri ana' buana Daud niaka amminawang siagang ia, nia' ja'dalaki siagang angngoai. Nakana ke'nanga, “Anne ngaseng taua tena namminawang; jari tena ha'na ke'nanga anggappa apa-apa battu ri anjo barang-barang nirampasaka. Bainennaji siagang ana'naji bawang ke'nanga akkulle naalle, nampa a'lampa.”

1 SAMUEL 30:24

Jari manna sitau takkulleai nasitujui anjo napaua sumpaeng! Yangasenna musti anggappai bageang, sangkamma jaina: tau ammantanga untu' a'jaga barang-barang anrinni musti anggappai bageang sangkamma jaina siagang tau majua mange a'bundu'.”

1 SAMUEL 30:8

Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”