1 SAMUEL 30:21 - KITTA' MATANGKASA'

²¹ Le'baki anjo ammotere'mi Daud mange ri anjo ruambilangnganga tau mangngang dudua untu' amminawang ri ia, iamintu nabokoia anjoreng ri birinna Binanga Besor. Naruppaimi ke'nanga Daud siagang ana' buana, nampa a'reppese'mo mange Daud a'barisallang ri ke'nanga.

1 SAMUEL 30:21 ပူးပေါင်းရင်းမြစ်များ

IBRANI 13:1

Paralluki' tuli sikamaseang salaku tu Karisteng assari'battanga.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

HAKING-HAKING 8:15

Le'baki anjo a'lampami Gideon amboyai pamimping-pamimpinga ri anjo kotaya. Nakanamo ri ke'nanga, “Tantu nuu'rangi ngasengiji ri tenana nanuero' antulunga', lanri tenanapa nakujakkalaki Zebah siagang Salmuna. Sai kammai anjo? Taerokako assarea' kanre siagang taungku nanuasseng angkanaya sanna' ngaseng mangnganna ke'nanga anjo wattua. Anne cini'mi Zebah siagang Salmuna.”

1 SAMUEL 17:18

Angngerang tongko sampulo batunna keju untu' komandang pasukanga. Pakkuta'nangngangi antekamma kabara'na sikamma daennu. Siagang angngerangko butti untu' inakke ma'nassana angkanaya sibuntulu' jako ke'nanga na salama'ja ke'nanga.

1 SAMUEL 17:22

Nampa napassareang naboli' anjo apa-apa naeranga mae ri pajaga parsadiaanna tantaraya, nampa lari mange ri tampa' pa'bundukanga untu' angngagangi sibuntulu' daenna ngaseng.

1 SAMUEL 30:22

Mingka ri ana' buana Daud niaka amminawang siagang ia, nia' ja'dalaki siagang angngoai. Nakana ke'nanga, “Anne ngaseng taua tena namminawang; jari tena ha'na ke'nanga anggappa apa-apa battu ri anjo barang-barang nirampasaka. Bainennaji siagang ana'naji bawang ke'nanga akkulle naalle, nampa a'lampa.”