1 SAMUEL 30:1 - KITTA' MATANGKASA'

^1-5 Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

1 SAMUEL 30:1 ပူးပေါင်းရင်းမြစ်များ

PA'JARIANG 24:62

Ilalanna anjo wattua nia'mi Ishak battu ri parang lompoa, allalo ri bungung niarenga “Iami Amparhatikanga'” nammantang ri bageang timboro'na Kanaan.

2 SAMUEL 1:1

Ri wattunna matemo Saul, ammotere'mi Daud battu ri pa'bundukanga ambetai tu Amalek, nampa ammantang ri Ziklag ruangallo.

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

2 SAMUEL 1:8

Akkuta'nangi angkana inai atanta. Na napaumo atanta angkanaya anne atanta tu Amalek.

2 SAMUEL 15:18

Sikontu pagawena karaenga ammentengi ri sa'rinna ri wattunna a'barrisi' pangawala'na karaenga allaloi. Kammayatompa annambilangngang tantara battu ri Gat nia' todong ampinawangi, a'barrisi' ri dallekanna.

1 PATTOTTORANG 12:21

Ke'nangami pejuang barania siagang ambantuai Daud angngewai garombolanga. Allo ribokoanganna iami ke'nanga a'jari perwira-perwira lalang ri tantarana Israel.

1 PATTOTTORANG 12:22

La'biringi allo-allona nia' tau beru a'gabung mae ri Daud, sa'genna a'jari sanna'mi jaina pasukanna Daud.

YEREMIA 41:12

Jari ke'nanga siagang ana' buana ke'nanga a'lampai angngondangi Ismael, nampa nagappa ri kollang lompo Gibeon.

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.

1 SAMUEL 15:8

Sikontu ra'ya'na siagang tantarana tu Amalek nibuno ngasemmi ri Saul. Mingka Agag karaenna tu Amalek najakkala' attallasaki nanaboli' Saul siagang tantarana attallasa'. Kammayatompa sikamma gimbala'na siagang sapina kaminang bajika, ana' sapina siagang ana' gimbala'na kaminang co'moka, kammayatompa sikontu apa-apa lompoa anggaranna; iaji bawang olo'-olo' tenaya matu-matunna siagang tenaya anggaranna naancuru'.

1 SAMUEL 27:6

Nampa Akhis napassareammi kota Ziklag mae ri Daud. Na iaminjo saba'na anjo kota Ziklag a'jarimi kotana karaeng-karaeng Yehuda sa'genna kamma-kamma anne.

1 SAMUEL 29:10

Lanri kammana anjo Daud, ammuko ikau ngaseng le'bakamo ambokoi Saul nampa battu mae ri nakke, musti bari'basakko ambangung nunampa a'lampa linta' punna ammumbamo alloa.”

1 SAMUEL 29:11

Lanri kammana anjo, ammukona bari'basa', a'lampami Daud siagang ana' buana ammotere' mange ri pa'rasangang Filistin, nampa anjo tantarana tu Filistin a'lampami mange ri Yizreel.

1 SAMUEL 29:4

Mingka larromi anjo sikamma panglimana tu Filistin mae ri Akhis na nakana ri ia, “Suroi anjo taua ammotere' mange ri kota le'baka nusareangi. Takkulleai amminawang a'bundu' siagang ikatte. Gassingka naalle battu ri bokojaki' lalang ri pa'bundukanga. Sai iaminne kasampatang sannaka baji'na ri ia untu' angngallei pa'mai'na karaenna punna nabuno ana' buata?

1 SAMUEL 30:14

Le'baki ikambe battu ambunduki tu Kreti ri bageang timboranna Yehuda siagang daera bijanna Kaleb, kammayatompa le'ba'mi nitunu sa'genna la'busu' kota Ziklag.”