1 SAMUEL 3:6 - KITTA' MATANGKASA'

^6-7 Nampa nikio'mo pole Samuel ri Batara; mingka tanaassengai Samuel angkanaya Batara anjo angkioki, lanri tena le'bakapi a'bicara Batara siagang ia. Jari ambangummi nampa mange ri Eli nakkuta'nang angkana, “Apa kutadeng bapa'? Apa kikiokanga'?” Appialimi Eli angkana, “Tena nakukiokko na'; attinro mako ammotere'.”

1 SAMUEL 3:6 ပူးပေါင်းရင်းမြစ်များ

PA'JARIANG 43:29

Ri wattunna nacini' Yusuf anjo Benyamin, iamintu andi'na, nakanamo, “Jari iaminne anjo andi'nu bungkoa, le'baka nupau ri nakke? Poro Nabarakkakiko Allata'ala, na'.”

2 SAMUEL 18:22

Mingka napala' dudumi Ahimaas mae ri Yoab angkana, “Manna pole apa kajariang, mingka kikellai tomma' a'lampa angngerang kabara'.” Akkuta'nammi Yoab angkana, “Angngapa naterasa' kamma nyawanu ero' todong a'lampa, ana'? Tena nulanggappa passawallang lanri anjo.”

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

1 SAMUEL 3:5

Nampa lari mange ri Eli na nakana, “Apa kutadeng bapa'? Apa kikiokanga'?” Mingka appialimi Eli angkana, “Tena nakukiokko, attinro poleang mako.” Jari a'lampami Samuel attinro poleang.

1 SAMUEL 4:16

Nakana anjo taua ri Eli, “Laria' anne alloa battu ri tampa' pa'bundukanga siagang silalongku anne battu.” Akkuta'nammi Eli angkana, “Antekamma kabara'na, ana'?”