1 SAMUEL 3:20 - KITTA' MATANGKASA'

^20-21 Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.

1 SAMUEL 3:20 ပူးပေါင်းရင်းမြစ်များ

2 SAMUEL 17:11

Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

YEHEZKIEL 33:33

Sikontu anjo apa nupaua lakajariang ngasengi, siagang punna narapiki wattunna, lanaassemmi ke'nanga angkanaya ikau na'bi ri tangnga-tangngana ke'nanga.”

AMOS 2:11

Le'ba'mi Kupilei siapa are battu ri ana'-ana'nu untu' a'jari na'bi, siagang siapa are turungka untu' a'jari tu Pangawasa'. Sai anjo kammaya annabai, he tu Israel? INakke, Batara, anne akkana.

LAMPA-LAMPANA 13:20

Yangasenna anjo patambilangngang allimampulo taung sallona kajariang. Le'baki Nabage Allata'ala anjo butta Kanaan mae ri ke'nanga, Nasaremi ke'nanga haking-haking a'jari pamimpinna ke'nanga. Haking kala'busanga iamintu Na'bi Samuel.

PAOLE 18:21

Nakulle kapang erokko angngassengi angkanaya, ‘Apaka anjo pasanna se'rea na'bi pappasang battu ri Batara yareka tena.’

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.

1 SAMUEL 12:11

Nampa Nasuromo Batara battu Gideon, nampa Barak, le'baki anjo Yefta, nampa kala'busanna inakke minne. Ikambemi massing allappassangko battu ri musunnu, sa'gennu tuli akkulle attallasa' siagang amang.