1 SAMUEL 3:19 - KITTA' MATANGKASA'

¹⁹ Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.

1 SAMUEL 3:19 ပူးပေါင်းရင်းမြစ်များ

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

1 KARAENG-KARAENG 8:56

“Nipujimi Batara ia assareai kaamangngang umma'Na sangkamma le'baka Napa'janjiang tete ri Musa atanNa. Sikontu apa-apa baji' le'baka Napa'janjiang le'ba'mi Narupai.

2 KARAENG-KARAENG 10:10

Iaminne buttina angkanaya sikontu apa le'baka Napau Batara ri passala'na ana' cucunna Ahab lakajariang kabusuki. Nagaukammi Batara apa le'baka Napau tete ri atanNa iamintu Elia.”

2 KARAENG-KARAENG 22:16

“LaKuhukkungi Yerusalem siagang sikontu pandudu'na sangkamma niaka tattulisi' lalang ri kitta' beru nibacaya ri karaenga.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

YESAYA 44:26

INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LUKAS 1:28

Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”

LUKAS 1:80

Pila' lompomi anjo ana'na Zakharia. Pila' jarre'mi rohna. Ammantammi ri parang lompoa, sa'genna narapi' wattunna napa'nyata kalenna mae ri bansa Israel.

LUKAS 2:40

Pila' lompomi siagang pila' gassimmi anjo anaka. Sanna' cara'de'na siagang sanna' annabana, na sanna' nikarimangnginna ri Allata'ala.

LUKAS 2:52

Pila' lompomi Isa siagang pila' cara'de'mi, na ningai ri Allata'ala siagang ri taua.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

PAOLE 18:22

Punna nia' sitau na'bi a'bicara lalang arenNa Batara, mingka tena na'rupa anjo apa napaua, anjo napabattua teai battu ri Batara. Anjo na'bia bicara kalenna napabattu, siagang tena nuparallu malla' mae ri ia.”

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

YOSUA 21:45

Narupai sikamma janjinNa Batara mae ri umma' Israel; tena manna se're taNarupai.

HAKING-HAKING 13:24

Siapa are bulang ribokoanganna, ammana'mi sitau bura'ne anjo bainenna Manoah. Nampa naareng Simson anjo anaka. A'bakka'mi a'jari lompo anjo anaka, na nibarakkaki ri Batara.

1 SAMUEL 10:7

Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

1 SAMUEL 12:2

Appakkaramula ri kamma-kammaya anne iami a'jari pamimpinnu. Ciniki, inakke anne toama' siagang kebo'mi uukku. Sallo sikalima' a'jari pamimping mae ri kau ngaseng – battu ri rungkaku iji sa'genna kamma-kamma anne.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

1 SAMUEL 18:5

Nagaukang baji'mi tugasa'na Daud, ia napassareanga Saul mae ri ia. Lanri kammana niangka'mi ri Saul a'jari perwira lalang ri tantarana. Na ningaimo Daud ri sikontu tantaraya siagang sikamma atanna Saul.

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.

1 SAMUEL 2:26

Na Samuel, anjo anaka, pila' lompomi siagang pila' ningaimi, baji ri Batara, kammayatompa ri sikontu taua.

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”