1 SAMUEL 3:17 - KITTA' MATANGKASA'

¹⁷ Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”

1 SAMUEL 3:17 ပူးပေါင်းရင်းမြစ်များ

2 SAMUEL 14:18

Appialimi karaenga angkana, “Nia' ero' kupakkuta'nangngang mae ri kau, pialimi siagang lambusu'na pa'mai'nu.” Appialimi anjo bainea angkana, “A'bicaramaki' karaeng.”

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 3:35

Sikabusu'na alloa taua anynyonyoki Daud sollanna angnganre sike'de', mingka assumpai angkana, “Poro Nabuno laloa' Allata'ala punna angnganrea' lalang tenanapa nalabu alloa!”

2 SAMUEL 3:9

Bajikangngang Daud kutulung, la'biangampa lanri le'ba'na a'janji Batara mae ri ia laNaalle anne kakaraenganga battu ri Saul siagang jari-jarina, nampa Naangka' Daud a'jari karaeng mae ri sikontu tu Israel siagang tu Yehuda. Dasi-dasi naNabunoa' Allata'ala, punna tena nakugaukangi janjinNa Allata'ala mae ri anjo Daud!”

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

2 KARAENG-KARAENG 6:31

A'gorami karaenga angkana, “Anne alloa musti mate memangi Elisa. Lappassamma' Nahukkung Allata'ala manna pole antekamma battala'na punna tena nakubunoi Elisa!”

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

YEREMIA 38:14

Ri se'reang wattu maraeng, Karaeng Zedekia nasuroi taua angngeranga' mange andallekang ri ia ri pakke'bu' lompo makatalluna Balla'Na Batara. Nakana ri nakke, “Erokka' akkuta'nang ri kau, siagang musti nupiali silambusu'na. Teako niakki apa-apa nucokko.”

YEREMIA 42:4

Appialima' angkana, “Baji'mi punna kamma antu. Kutarimai pappala'nu ngaseng. Lappala' doanga' mae ri Karaeng Allata'alata, siagang manna pole apa pappialinNa, lakupauang ngasengko; manna se're tania' lakucokkoangko.”

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

MIKHA 2:7

Teako kapangngi angkanaya anggappami pangngalarroi umma' Israel battu ri Batara. Tena nalaNagaukang Batara kammaya ngaseng anjo. Tena le'bakai tappela' kasa'barranNa. Sai sombereki a'bicara mae ri tau anggaukangai apa annabaya?”

PAMMILANGNGANG 23:17

Jari ammotere'mi Bileam. Narapikammi nia' iji Balak ammenteng ri ampi'na koro'bang nitununa, siagang ngaseng sikamma pamimpinna tu Moab. Napakkuta'nangngammi Balak apa le'baka Napau Batara,

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

RUT 1:17

Kemae-kemaeki' mate, anjoreng tomma' ero' mate siagang nitarawang. Poro Nahukkunga' Batara sibatta'-battala'na, punna erokka' assisa'la' siagang ikatte, pantaranganna kamateanga ampasisa'lakki'!”

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

1 SAMUEL 3:16

Mingka nikioki ri Eli, na nakana Eli, “Samuel, anakku.” Appialimi Samuel angkana, “Iye' Bapa'.”