1 SAMUEL 29:10 - KITTA' MATANGKASA'

¹⁰ Lanri kammana anjo Daud, ammuko ikau ngaseng le'bakamo ambokoi Saul nampa battu mae ri nakke, musti bari'basakko ambangung nunampa a'lampa linta' punna ammumbamo alloa.”

1 SAMUEL 29:10 ပူးပေါင်းရင်းမြစ်များ

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

1 PATTOTTORANG 12:19

Ri wattunna Daud siagang tu Filistin ambunduki Karaeng Saul, nia' sipa'gang battu ri tantara suku Manasye a'limbang mange a'jari agang ri Daud. Sikontutojenna tena nabantui Daud anjo tu Filistin. Nisuroi ri sikamma pamimpinna tu Filistin ammotere' mange ri Ziklag lanri nakamallakkangi ke'nanga angkana laagang mangei ri Karaeng Saul anjo Daud siagang a'jari bali mae ri ke'nanga.

1 PATTOTTORANG 12:22

La'biringi allo-allona nia' tau beru a'gabung mae ri Daud, sa'genna a'jari sanna'mi jaina pasukanna Daud.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

1 SAMUEL 29:11

Lanri kammana anjo, ammukona bari'basa', a'lampami Daud siagang ana' buana ammotere' mange ri pa'rasangang Filistin, nampa anjo tantarana tu Filistin a'lampami mange ri Yizreel.