1 SAMUEL 28:7 - KITTA' MATANGKASA'

⁷ Lanri kammana anjo nakanamo Saul mae ri pagawena, “A'boyako sitau sanro baine pakkio' nyawa tu mate, kaerokka' a'lampa mange ri ia untu' appala' pitunju'.” Appialimi ke'nanga angkana, “Ri En-Dor nia' sanro kammaya anjo.”

1 SAMUEL 28:7 ပူးပေါင်းရင်းမြစ်များ

2 KARAENG-KARAENG 6:33

Tenapa napuppusu' bicaranna Elisa, battumi karaenga anjoreng na nakana, “Anne kasusaanga Batara ampabattui mae ri katte! Jari apapi matu-matungku manrannuang ri pannulunNa?”

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

LAMPA-LAMPANA 16:16

Ri se'reang allo a'lampa maki' mange ri tampa' passambayanganga. Ri tangngana aganga assibuntulu' maki' sitau baine ata. Anjo bainea nisosoki ri setang, sa'genna akkullei natappu la'bi riolo apa lakajarianga sallang. Lanri akkullena natappu dalle'na taua, jai sikalimi doe' napanggappangi pingga'-pinggawana anjo bainea.

PAOLE 18:11

pangngasengang bale'-bale' mata, siagang tea tongko lappassangngi ke'nanga appare' passisambungang siagang roh-rohna tau matea.

YOSUA 17:11

Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.