1 SAMUEL 28:6 - KITTA' MATANGKASA'

⁶ Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Ammarrangi ke'nanga, mingka tena antulungi, akkioki ke'nanga ri Batara, mingka tena Nappiali.

PAMMUJI 74:9

Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.

KALAPPASSANG 28:20

Ri barrisi' makaappaka iamintu batu pirusu', batu yaku' siagang batu ratna campaka. Anjo sampuloa anrua batu paramata musti nisikkoki bulaeng.

KALAPPASSANG 28:30

Boliki anjo Urim siagang Tumim lalang ri anjo pa'lapa' barambanga untu' napake Harun punna andallekang ri Nakke. Ri wattu-wattu kammaya anjo musti tuli ammakei pa'lapa' barambang, sollanna akkulle naasseng angkana apa erokKu mae ri ummakKu Israel.”

PANGNGEBARANG 27:1

Teako lompo bicara ri passala' allo ammukoa, lanri tanuassengai apa lakajarianga sinampe'.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

KAIMANGNGANG 8:8

Nampa napataba pa'lapa' barambanga ri barambanna Harun, siagang napantama'mi ri anjo pa'lapa' barambanga anjo nikanaya Urim siagang Tumim.

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.

PAOLE 33:8

Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

1 SAMUEL 14:37

Nampa akkuta'nammo Saul ri Allata'ala angkana, “Akkulleja' mange ambunduki tu Filistin? Maka laKipassareanji ke'nanga ri limanna tu Israel?” Mingka anjo alloa tena Nappiali Allata'ala.

1 SAMUEL 28:15

Le'baki anjo nakanamo Samuel ri Saul, “Angngapa nanuganggua'? Angngapa nukiokka' ammotere'?” Appialimi Saul angkana, “Sanna' linguku lanri nibundukia' ri tu Filistin, nampa Nabokoima' Allata'ala. Tenamo Napialia', baji' tete ri sikamma na'bia, kammayatompa lalang so'na. Lanri kammana kupalaki ri katte Bapa', sollanna kipauanga' apa musti kugaukang.”

1 SAMUEL 28:5

Nacini'na Saul anjo tantara Filistin, a'jari sanna'mi malla'na.