1 SAMUEL 28:19 - KITTA' MATANGKASA'

¹⁹ Ikau siagang tu Israel laNapassareangko mae ri tu Filistin. Ammuko, ikau siagang ana' bura'nenu la'rappungangko siagang inakke; ba'lalo sikontu tantara Israel lanipassareang tongi mae ri tu Filistin.”

1 SAMUEL 28:19 ပူးပေါင်းရင်းမြစ်များ

1 KARAENG-KARAENG 22:20

Akkuta'nangi Karaeng Allata'ala, ‘Inai lanynyonyoki Ahab sollanna ero' a'lampa mange a'bundu' siagang mate ri Ramot ri Gilead?’ Tena nasangkamma-kamma pappialinna anjo malaeka'-malaekaka.

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

AYUB 3:17

Anjoreng, lalang ri kuburuka, tau ja'dalaka tenamo na'gau' ja'dala', pakaresoa cappu'mi kagassinganna akkullemi ammari-mari poso.

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

1 SAMUEL 12:25

Mingka punna tulusu' a'gau' dosa tonjako ia, tena tapanra'nu siagang karaennu.”

1 SAMUEL 28:20

Anjo memang wattua, anra'bami Saul naung ri buttaya sanrapang tunitabaya ri kila', lanri sanna' ta'bangkana allangngereki anjo kana-kananna Samuel. Nampa pole sanna' sikali lammana kalenna, nasaba' siallomi sipattang tena sikali apa-apa nakanre.