1 SAMUEL 28:16 - KITTA' MATANGKASA'

¹⁶ Nampa nakanamo Samuel, “Apa matu-matungku nukio' nampa Nabokoi mako Batara siagang a'jari musunnumi?

1 SAMUEL 28:16 ပူးပေါင်းရင်းမြစ်များ

2 KARAENG-KARAENG 6:27

Appialimi karaenga angkana, “Punna tena Natulungko Batara, antekamma olona nainakke lantulungko? Tena gandungku siagang tena je'ne' anggoro'!

PIRAUNG 2:4

Rapang musu ampabantangi panaNa Napalio-lio mae ri katte. Sikontu tau ningaia cappu' kabusu' Nabuno. Napasimbungi larroNa rapang pepe' antama' ri kota Yerusalem.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.

1 SAMUEL 28:15

Le'baki anjo nakanamo Samuel ri Saul, “Angngapa nanuganggua'? Angngapa nukiokka' ammotere'?” Appialimi Saul angkana, “Sanna' linguku lanri nibundukia' ri tu Filistin, nampa Nabokoima' Allata'ala. Tenamo Napialia', baji' tete ri sikamma na'bia, kammayatompa lalang so'na. Lanri kammana kupalaki ri katte Bapa', sollanna kipauanga' apa musti kugaukang.”

1 SAMUEL 28:17

Nagaukammi Batara sangkamma apa le'baka Napau tete ri nakke. Naallemi Batara kakaraenganna Israel battu ri kau nampa Napassareang mae ri Daud.