1 SAMUEL 28:15 - KITTA' MATANGKASA'

¹⁵ Le'baki anjo nakanamo Samuel ri Saul, “Angngapa nanuganggua'? Angngapa nukiokka' ammotere'?” Appialimi Saul angkana, “Sanna' linguku lanri nibundukia' ri tu Filistin, nampa Nabokoima' Allata'ala. Tenamo Napialia', baji' tete ri sikamma na'bia, kammayatompa lalang so'na. Lanri kammana kupalaki ri katte Bapa', sollanna kipauanga' apa musti kugaukang.”

1 SAMUEL 28:15 ပူးပေါင်းရင်းမြစ်များ

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

HAKING-HAKING 16:20

Nampa ammarrang angkana, “Simson! Niaki battu tu Filistin!” Ambangummi Simson nanapikkiri' kapang angkana akkullei tallappasa' sangkamma allalo-lalloa. Tanaassengai angkanaya nibokoimi ri Batara.

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

1 SAMUEL 23:2

Jari akkuta'nammi ri Batara angkana, “Mustika a'lampa' mange ambunduki tu Filistin?” Appialimi Batara angkana, “Iyo, bundukimi ke'nanga siagang pasalamaki pandudu'na kota Kehila.”

1 SAMUEL 23:4

Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”

1 SAMUEL 28:11

Akkuta'nammi anjo bainea angkana, “Nyawana tumate inai musti kukiokangki'?” Appialimi Saul angkana, “Nyawana Samuel”

1 SAMUEL 28:16

Nampa nakanamo Samuel, “Apa matu-matungku nukio' nampa Nabokoi mako Batara siagang a'jari musunnumi?

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 28:8

Ammake palusu'mi Saul sollanna tena naniasseng ri taua. Nirurungammi ri rua tu bura'ne, nampa a'lampa siagang battu mange ri balla'na anjo sanroa ri wattu bangnginamo. Nakanamo Saul, “Kio' sai nyawana tu mate kutappua arenna, siagang pala'mi nanatappu apa eroka lakajariang.”

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.