1 SAMUEL 28:14 - KITTA' MATANGKASA'

¹⁴ Akkuta'nammi Saul angkana, “Antekamma tanja'na?” Appialimi angkana, “Sitau bura'ne toa. Ammumbai ammake juba.” Jari naassemmi Saul angkana Samuel anjo, sa'genna su'ju'mi naung ampakala'biriki.

1 SAMUEL 28:14 ပူးပေါင်းရင်းမြစ်များ

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

2 KARAENG-KARAENG 1:7

Akkuta'nammi karaenga angkana, “Antekamma tanja'na anjo taua?”

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

1 SAMUEL 15:27

Nampa a'bokomo Samuel ero' a'lampa. Mingka nitahangi ri Saul nanata'gala' jubana, sa'genna kekke'mo jubana Samuel.

1 SAMUEL 24:8

Assulu'mi Daud battu ri anjo kali'bonga nampa akkio' ri bokona Saul angkana, “Karaeng!”

1 SAMUEL 28:13

Appialimi karaenga angkana, “Teako mallakki! Pau mami apa nucinika!” Appialimi anjo bainea angkana, “Nia' roh nacini' atanta ammumba battu lalang ri buttaya.”